Goa Ganesh Chaturthi 2023: केळबाय-कुर्टीत माटोळीतून साकारली कांताराची प्रतिमा

Goa Ganesh Chaturthi 2023: कर्नाटक राज्यात राने व वनांचे रक्षण करणारा म्हणून ‘कांतारा’ची ख्याती आहे.
Goa Ganesh Chaturthi 2023
Goa Ganesh Chaturthi 2023Dainik Gomantak

Goa Ganesh Chaturthi 2023: केळबाय - कुर्टी येथील विशांत वसंत गावडे यांच्या घरी यंदा चतुर्थीसाठी गणपतीसमोर कांताराची प्रतिकृती असलेली माटोळी साकारण्यात आली आहे. कर्नाटक राज्यात राने व वनांचे रक्षण करणारा म्हणून ‘कांतारा’ची ख्याती आहे.

Goa Ganesh Chaturthi 2023
Goa Ganesh Chaturthi 2023: पर्यावरणपूरक गणेश सजावट स्पर्धेला प्रतिसाद

नेमकी त्याची प्रतिकृती केळबाय - कुर्टी येथे गावडे कुटुंबीयांनी साकारली आहे. या आकर्षण ठरलेल्या कांतारा रूपी माटोळीसाठी सव्वा तीनशेपेक्षा जास्त वनस्पतींचा वापर करण्यात आला आहे. गोव्यातील विविध रानांतून तसेच घाट माथ्यावरील रानातून ही फळे व वस्तू गोळा करण्यात आल्या आहेत.

ही माटोळी साकारण्यासाठी विशांत याच्यासोबत प्रशांत, चंद्रेश, ओंकार, आदित्य, हर्षा, करुणा, दक्ष, केयंश व इतरांचे सहकार्य लाभले आहे.

‘वन टिकवा’

खरे म्हणजे विकासाच्या नावाखाली राने आणि वने नष्ट करून आपण पुढील पिढीला काय देणार आहोत, याचा आधी विचार व्हायला हवा, म्हणूनच औषधी आणि इतर वस्तूंचा संग्रह एका माटोळीत दाखवण्यात आला आहे. अशा रान वनस्पतीपासून आपण औषध तयार करू शकतो, इतर कामासाठी या वनस्पती व फळांचा वापर होऊ शकतो, म्हणून ‘राने टिकवा’ असा संदेश या माटोळीतून दिल्याचे विशांत गावडे यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com