Illegal Liquor Smuggling From Goa to Gujarat: गोव्यातून विविध राज्यात दारू तस्करी होत असते. येथे स्वस्त मद्य मिळत असल्याने दुसऱ्या राज्यात चढ्या भावाने विकण्यासाठी बऱ्याचवेळा चुकीच्या मार्गांचा अवलंब करून मद्य तस्करी केली जाते.
असाच एक दारू तस्करीचा प्रयत्न बांदा येथे उघडकीस आला आहे. गोव्यातून गुजरातला दारू घेऊन जात असताना पोलिसांनी ट्रकची तपासणी केली. दरम्यान, पोलिसांनी 31 लाखांचा मुद्देमाल जप्त करत, दोन गुजरातींना ताब्यात घेतले आहे.
पोलिसांनी प्रदीपकुमार श्रीभगवती प्रसाद व महम्मद शबीर वहिदीभाई इंद्राशी, (दोघेही रा. राजकोट गुजरात) यांना ताब्यात घेतले आहे.
मिळालेल्या माहितीनुसार, दारू तस्करी करण्यासाठी ट्रकमध्ये चोरकप्पा तयार करून त्यात दारू ठेवण्यात आली होती. बेकायदा दारू वाहतुकीची माहिती पोलिसांना मिळाली. त्यानुसार पोलिसांनी इन्सुली पोलिस तपासणी नाक्यावर ट्रकची तपासणी केली असता, त्यात बेकायदा दारूसाठी आढळून आला.
पोलिसांनी केलेल्या या कारवाईत 11 लाख 65 हजार 395 रुपयांचा दारूसाठा तसेच, 20 लाख रूपये किंमतीचा ट्रक, असा एकूण 31 लाख 65 हजार 395 रुपयांचा मुद्देमाल जप्त केला.
रॉयल स्टॅग, ब्लेंडर स्प्राईड व्हिस्की, मॅजिक मोमेम्ट व्होडकाच्या बाटल्या, ब्ल्यू रिबंड प्रीमियमच्या बाटल्या, ब्लेंडेड स्कॉच व्हिस्की, ब्लेंडर स्प्राईड प्रीमियम व्हिस्की, रॉयल चॅलेंज प्रीमियम व्हिस्की, स्मिरनॉफ ऑरेंज ट्रिपल, बॅगपायपर क्लासिक व्हिस्की याचा मद्यसाठा आढळून आला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
