56 व्या आंतरराष्ट्रीय चित्रपट महोत्सवादरम्यान गोव्याचे प्रसिद्ध सिनेमॅटोग्राफर के. वैकुंठ बाब यांच्या शताब्दीनिमित्त व भारतीय चित्रपटसृष्टीतील त्यांच्या असाधारण योगदानाचा गौरव करण्यासाठी टपाल तिकीट जारी करण्यात आले. आयनॉक्समध्ये गुरुवारी (ता.२७) हा कार्यक्रम पार पडला.
मुख्यमंत्री डॉ. प्रमोद सावंत यांच्या हस्ते या टपाल तिकिटाचे अनावरण करण्यात आले. माहिती आणि प्रसारण मंत्रालयाचे अतिरिक्त सचिव आणि आर्थिक सल्लागार दीपक नारायण, माहिती आणि प्रसारण मंत्रालयाचे अतिरिक्त सचिव प्रभात, महाराष्ट्र आणि गोव्याचे मुख्य पोस्टमास्टर जनरल अमिताभ सिंह आणि के. वैकुंठ यांचे पुत्र अमित कुंकळ्येकर यांचीही यावेळी उपस्थिती होती.
मुख्यमंत्री सावंत म्हणाले, वैकुंठ यांच्या सिनेमॅटोग्राफी कलेतील आयुष्यभराच्या समर्पणाचे कौतुक केले. वैकुंठ बाब हे भारतीय चित्रपटसृष्टीतील गोव्यातील सर्वोत्तम योगदानांपैकी एक होते. असा माणूस ज्याच्या कॅमेऱ्याने शास्त्रीय हिंदी चित्रपटाच्या दृश्य भाषेला आकार दिला.
मडगावच्या गल्लींपासून ते हिंदी चित्रपट दृश्य कथाकथनाच्या अग्रभागी ते राहिले. त्यांनी सीता और गीता, आंधी, मौसम आणि इतर चित्रपटांमध्ये प्रतिष्ठित फ्रेम्स आकारल्या होत्या. राष्ट्रीय आणि आंतरराष्ट्रीय स्तरावर त्यांच्या कार्याची छाप पडली होती. ज्यामध्ये ‘अँड माइल्स टू गो’साठी राष्ट्रीय पुरस्काराचा समावेश आहे.
आम्ही गोव्याच्या ‘लेन्समन’ला श्रद्धांजली अर्पण करतो, असे उपस्थित मान्यवरांनी सांगितले. यावेळी के. वैकुंठ यांच्यावरील १७ मिनिटांचा माहितीपट ‘गोवा मार्चेस ऑन’ प्रदर्शित करण्यात आला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.