साखळीतील प्रसिद्ध धबधबा असणारे हरवळे ठिकाण ज्या प्रभागात येते, त्या प्रभाग 1 मध्ये पक्षांतर केले तरी मतदार आपल्याच बाजूने राहतील, असा विश्‍वास यशवंत माडकर यांना वाटत आहे.
माडकरांनी निवडणुकीच्या तोंडावर पक्षप्रवेश करीत भाजपच्या गोटात उडी घेतली आहे. आपण विकासासाठी भाजपात आल्याचे त्यांनी ‘गोमन्तक’शी बोलताना सांगितले.
मतदान केंद्राबाहेर भेटलेल्या माडकरांना आपण विजयी होणार, याची शंभर टक्के खात्री वाटत आहे. या प्रभागात चौरंगी लढत होती; परंतु गितेश माडकर यांनी मतदानाला काही दिवस अगोदरच यशवंत माडकर यांना पाठिंबा जाहीर केला. त्यामुळे रिंगणात तीन उमेदवार उरल्याने तिरंगी लढत होणार, असे दिसत आहे.
महत्त्वाची बाब म्हणजे माडकरांच्या विरोधात संतोष हरवळकर, कुंदा माडकर हे कितपत आव्हान उभे करतात, हे निकालानंतर स्पष्ट होईल. हरवळे येथील तीर्थक्षेत्राचा विकास करणे हे आपले कर्तव्य आहे.
मंदिराच्या कामासाठी 18 कोटींचा निधी मंजूर झाला आहे, त्याशिवाय या ठिकाणी सर्व धार्मिक विधीही होत असल्याने या घाटाचा विकास करण्याबरोबरच हे ठिकाण पर्यटनाचे केंद्र म्हणून पुढे आणायचे आहे, असे माडकर यांनी सांगितले.
मतदान आपल्या बाजूनेच
मुख्यमंत्री प्रमोद सावंत यांच्या मार्गदर्शनाखाली आपण आपल्या प्रभागाचा कायापालट करणार असल्याचे यशवंत माडकर यांनी सांगितले. 739 मतदारसंख्या असलेल्या या प्रभागातील काही मतदारांचा मृत्यूही मागील काही काळात झाला आहे.
त्यामुळे ही संख्या किमान 710 ते 715 पर्यंत येईल. यातील किमान 80 टक्के मतदान आपल्या बाजूने होईल, असाही विश्‍वास माडकर यांना आहे
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
