Mobile Theft Case: माडानी, पर्रा येथे चालत जाणाऱ्या हैदराबादमधील पर्यटकाच्या हातातील मोबाईल फोन हिसकावून नेल्याप्रकरणी म्हापसा पोलिसांनी दोघा दुचाकीस्वार चोरट्यांविरूध्द गुन्हा नोंदवला आहे.
प्राप्त माहितीनुसार, ही चोरीची घटना सोमवारी, सकाळी 9.30च्या सुमारास घडली. फिर्यादी बी. एस. वरूण भट (हैद्रराबाद) यांचा हा 19 हजारांचा मोबाईल फोन चोरट्यांनी चोरून नेला.
ही घटना कोकोनट प्लांटेशन जवळ घडली. दोघाही चोरट्यांनी हेल्मेट परिधान केले नव्हते, मात्र ते गाडीवर सुसाट होते.
या अज्ञात चोरट्यांविरूध्द भादंसंच्या 356, 379 व 34 कलमांतर्गत पोलिसांनी गुन्हा नोंद केला असून पुढील तपास पोलीस सहाय्यक उपनिरीक्षक रिकी फर्नांडिस हे करीत आहेत.
दरम्यान, तांबडीमाती - सांतिनेझ येथील मधुबन इमारतीच्या तिसऱ्या मजल्यावरील फ्लॅटमध्ये आज दिवसाढवळ्या चोरांनी दाराचे लॅच (लॉक) तोडून सुमारे ४ लाखांचे दागिने लंपास केले. याप्रकरणी पणजी पोलिसांनी अज्ञाताविरुद्ध गुन्हा दाखल केला आहे. फ्लॅटधारक प्रशांत वेरेकर यांनी पोलिसांत तक्रार दाखल केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
