Margao: पत्नीवर खुनी हल्ला पती अटकेत

घरगुती भांडणातून आपल्या पत्नीवर खुनी हल्ला करणाऱ्या हौसिंग बोर्ड मडगाव येथील अब्दुल रौफ याला फातोर्डा पोलिसांनी (Fatorda Ploice) अटक केली आहे. (Husband held for Murderous attack on wife in Margao)

ही घटना काल रात्री घडली. आरोपीचा आपली पत्नी नसीमा बी हिच्याकडे काही कारणावरून वाद झाला.त्यांनतर पत्नी झोपण्यास गेली असता आरोपीने तिला जड वस्तूने मारहाण करून जखमीं केले. यावेळी त्याच्या मुलाने आरडाओरडा करून लोकांना बोलावून घेतल्यानंतर तिला गंभीर अवस्थेत गोमेकॉ इस्पितळात हलविण्यात आले.

या प्रकरणी मुलानेच पोलिसात तक्रार दिल्यानंतर आरोपीला खुनाचा प्रयत्न केल्याच्या आरोपाखाली अटक करण्यात आली अशी माहिती फातोर्डा पोलीस निरीक्षक धिरेंद्र नाईक यांनी दिली. आरोपी मूळ कर्नाटक मधील असून कामानिमित्त तो हौसिंग बोर्डमध्ये राहत होता.