पेडणे येथील घराला आग; 3 लाखांचे नुकसान

पेडणे: येथील हहरिजन वाड्यामद्धे स्थित घराला रविवारी आग लागली. हे घर चंद्रकांत आणि कृष्णा उगवेकर यांच्या मालकीचे आहे. पेडणे अग्निशमन दलाच्या माहितीनुसार, नियंत्रण कक्षाला संध्याकाळी 6.30 वाजता एका घराला आग लागल्याची माहिती देण्यात आली. तत्काळ उपाधिकारी प्रशांत धारगळकर यांच्या नेतृत्वाखालील पथक घटनास्थळी पोहचले. (Pernem Goa)

दरम्यान, मालक आणि शेजारी घराची आग विझवण्याचा प्रयत्न करत होते. अग्निशमन दलाच्या (Fire Brigade) जवानांनी घरामध्ये धाव घेतली आणि एलपीजी सिलिंडर सुरक्षित ठिकाणी ठेवले. पुढे अग्निशमन दलाने आग विजवण्याचे काम सुरू केले. आग पूर्णपणे आटोक्यात आणण्यासाठी सुमारे दोन तास लागले असल्याची माहिती त्यांनी दिली.

घरातील दोन कपाटे, कपडे साहित्य जळून खाक झाले. सुमारे 3 लाख रुपयांचे नुकसान झाल्याचा दावा मालकांनी केला आहे, तर अग्निशमन दलाला 5 लाख रुपयांची मालमत्ता वाचवण्यात यश आले आहे. शॉर्ट सर्किटमुळे आग (Fire) लागल्याचा संशय व्यक्त करण्यात येत आहे. मात्र, आगीचे नेमके कारण अद्याप समोर आलेले नाही.