मुसळधार पावसामुळे नाळ्ळे-केरी येथे दरड कोसळल्याने दत्तानंद गावडे यांच्या घराच्या मागील भागाचे नुकसान झाले. दरम्यान, कोसळलेल्या दरडीखाली एक बैल अडकल्याने बरीच तारांबळ उडाली. अखेर स्थानिकांनी प्रयत्न करून बैलाला सुरक्षित बाहेर काढले.
गुरुवारी दुपारी दीडच्या सुमारास ही घटना घडली. सुदैवाने घराच्या मागील भागात त्यावेळी कोणी नसल्यामुळे मोठा अनर्थ टळला. दत्तानंद व त्यांची बायको घराच्या समोरच्या भागात होते. यात घराचे सुमारे दीड लाख रुपयांचे नुकसान झाल्याचे घरमालक गावडे यांनी सांगितले.
गावडे यांच्या शौचालयाचे व मागील खोलीचे नुकसान झाले आहे. गावडे यांनी गेल्या वर्षीच हे घर बांधले आहे. दरम्यान, केरीच्या उपसरपंचा सुलक्षा जल्मी यांनी भेट देऊन पाहणी केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.