Goa Fire News: राज्यात अग्नितांडव सुरूच; हडफडेत घराला तर वेरेत कारला आग

Goa Fire News: कळंगुटमध्ये काही दिवसांपूर्वी सिलिंडरचा स्फोट होऊन ५० हून अधिक झोपड्या जळून खाक झाल्याची घटना ताजी असतानाच नव्या दोन आगीच्या घटना समोर आल्या आहेत. आज शनिवारी पहाटे हडफडे येथील इंदुमती दिवकर यांच्या घराला शॉर्टसर्किटमुळे आग लागली. तसेच वेरे येथे पर्यटकाची

चारचाकी आगीत जळून खाक झाली.

साकववाडी-हडफडे येथील श्री हनुमान मंदिराशेजारी इंदुमती दिवकर यांच्या घरी आज पहाटे इलेक्ट्रिक बोर्डमध्ये शॉर्टसर्किट झाले. यामुळे पूर्ण घराला आग लागली. ही घटना सकाळी सव्‍वापाचच्‍या सुमारास घडली. घटनेची माहिती मिळताच म्हापसा अग्निशमन दलाचे जवान घटनास्थळी दाखल झाले.

मिळालेल्‍या माहितीनुसार या आगीत एकूण 4 लाखांचे नुकसान झाले असून, 8 लाखांची मालमत्ता वाचवण्यास अग्निशमन दलाच्या जवानांना यश आले.

पर्यटक आर. विनायक रेड्डी (तेलंगणा) यांनी आपली चारचाकी वेरे येथे रेईशमागूस किल्ल्याशेजारी पार्क केली होती. त्यांच्या कारने अचानक पेट घेतला आणि पूर्ण कार आगीत जळून खाक झाली. अधिक तपास सुरू आहे.