Thivim, Bardez: थिवी येथे एका घराला आग लागली, या आगीत अंदाजे दीड लाख रुपयांच्या मालमत्तेचे नुकसान झाले आहे. वीज विभागाजवळ सलीन आंताव यांच्या घराला रविवारी (दि.04) 6:30 च्या सुमारास आग लागली. या आगीत घरातील अनेक साहित्य जळून खाक झाले आहे.
या आगीत टीव्ही, सीसीटीव्ही कॅमेरे, फर्निचर, इलेक्ट्रिक उपकरणे जळून खाक झाली. या घटनेची माहिती मिळताच म्हापसा अग्निशमन दलाचे साहाय्यक अधिकारी अशोक परब, आनंद बांदेकर, चालक अमोल सातार्डेकर, विष्णू केसरकर यांनी घटनास्थळी धाव घेतली. मिळालेल्या माहितीनुसार, हे घर बंद होते. त्याला आग लागल्याचे शेजाऱ्यांच्या लक्षात आले असता त्यांनी अग्निशमन दलाला कळविले. जवानांनी स्थानिक लोकांच्या साहाय्याने आग विझविली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.