Pilerne Truck Fire: पिळर्ण येथे कंपनीत मालवाहू ट्रकला आग, कंपनी कर्मचाऱ्यांच्या सतर्कतेमुळे मोठा अनर्थ टळाला

Pilerne Truck Fire: पिळर्ण औद्योगिक वसाहतीत एका ट्रकला अचानक आग लागली. यामध्ये ट्रक चालक किरकोळ जखमी झाला असून, दरम्यान, अग्निशमन दलाचे जवान घटनास्थळी दाखल होण्यापूर्वीच कंपनीमधील कर्मचाऱ्यांनी आगीवर नियंत्रण मिळवले आणि मोठा अनर्थ टळला.

मिळालेल्या माहितीनुसार, पिळर्ण येथील पर्ल कंपनीत गुजरात पासिंग (GJ12AW4135) या ट्रकला अचानक आग लागली. ट्रकचे इंजिन ओव्हर हिट झाल्यामुळे ही आग लागल्याचे निष्पण्ण झाले.

दरम्यान, कंपनीतील कर्मचाऱ्यांनी प्रसंगावधान दाखवत आगीवर नियंत्रण मिळवले. अग्निशमन दलाचे जवान घटनास्थळी दाखल होण्यापूर्वीच कर्मचाऱ्यांनी आगीवर नियंत्रण मिळवले यामुळे मोठा अनर्थ टळला.

दरम्यान, या घटनेत ट्रकचा चालक किरकोळ जखमी झाला असून, त्याला उपचारासाठी रूग्णालयात दाखल करण्यात आले आहे.

याापूर्वी देखील पिळर्ण औद्योगिक वसाहतीत एका कंपनीला भीषण आग लागली होती. जानेवारीत बर्जर बेकर कोटिंग प्रा. लि. या कंपनीत मोठी आग लागली. गोव्याच्या इतिहासातीली ही एक भीषण आग असल्याचे बोलले जाते. या आगीत 40 दुचाकी भस्मसात झाल्या असून कंपनीचेही कोट्यवधींचे नुकसान झाले होते.