फोंडा : अनमोड, चोर्ला आणि आंबोली घाट अवजड वाहतुकीसाठी बंद करण्यात आल्याने मालवाहतूक करणारे ट्रक मालकांपुढे आर्थिक संकट निर्माण झाले आहे. तसेच गोव्यात विविध ठिकाणी असलेल्या मालवाहतूक कार्यालयातून परराज्यातील ट्रक मालकांना अधिक प्रमाणात काम मिळते.
त्यामुळे स्थानिक अवजड मालवाहतूक करणाऱ्या मालकांना सरकारने मदत करण्याची मागणी टेम्पो व मालवाहतूक असोसिएशनने फोंडा येथे घेतलेल्या पत्रकार परिषदेत केली आहे. यावेळी असोसिएशनचे अध्यक्ष केवल च्यारी, सचिव अनुराग च्यारी, श्रीकांत च्यारी, एम. के. नायडू व राहुल महातूमगडे उपस्थित होते. असोसिएशनतर्फे विविध समस्या सोडविण्यासाठी संबंधित खात्यांना खात्याकडे पत्रव्यवहार करण्यात आलेला आहे. परंतु अजून सरकारने यावर निर्णय घेतलेला नसल्याचे दिसून येते.
गोव्यातील पोलीस सुद्धा स्थानिक मालवाहतूक करणाऱ्या ट्रक मालकांवर दंडात्मक कारवाई करीत आहे. इतर राज्यांपेक्षा गोव्यातील पोलिस स्थानिक मालवाहतूक करणाऱ्या ट्रका विरुद्ध कारवाई करीत असतात. तसेच इतर राज्यातून गोव्यात येणारे ट्रक क्षमतेहून जास्त माल घेऊन येतात. परंतु त्या ट्रकवर कारवाई होत नसल्याचे श्रीकांत च्यारी यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
