बेमुदत उपोषणाला बसलेल्या दोन सेविकांची प्रकृती अस्थिर

पणजीतील आझाद मैदानावर गेल्या 10 दिवसांपासून एकूण 7 अंगणवाडी सेविका बेमुदत उपोषणावर आहेत. या बेमुदत उपोषणाला बसलेल्या अंगणवाडी सेविकांपैकी दोन सेविकांची प्रकृती आज बिघडल्याने त्यांना रुग्णालयात दाखल करण्यात आले आहे. (Goa Anganwadi Workers Protests)

त्यांचे सेवेतील निलंबन मागे घेण्याची मागणी त्यांनी केली आहे. या अंगणवाडी सेविकांना सेवेतून बडतर्फ करण्यात आल्याने त्यांना पुन्हा सेवेत घेण्यासाठी हे उपोषण सुरू केले आहे. गेल्या काही दिवसांपूर्वी साखळी उपोषण त्यांनी केले होते मात्र सरकारकडून काहीच हालचाली होत नसल्याने बेमुदत उपोषण सुरू करण्याचा निर्णय काल घेण्यात आला होता.