पणजी: गोमेकॉ इस्पितळातील परिचारिका रेफ्रिजरेटर्समध्ये औषधे ठेवण्याऐवजी त्यांचे जेवणाचे डबे ठेवत होते, याची गंभीर दखल घेतली होती. त्यामुळेच मी अधूनमधून इस्पितळे व आरोग्य केंद्रांना भेट देऊन रुग्णांना मिळणारे उपचार तसेच तेथील कामाचा आढावा घेत असतो, असे आरोग्य मंत्री विश्‍वजीत राणे यांनी विधानसभेत सांगितले.
राज्यातील सरकारी इस्पितळे तसेच सामुदायिक व आरोग्य केंद्रात परिचारिका कर्मचाऱ्यांची नेमणूक योग्य प्रकारे होत नाही. केंद्रामध्ये ईसीजी, एक्स रे तसेच लॅब तांत्रिक कर्मचाऱ्यांची गरज आहे. ऑपरेशन थिएटरचा वापर होण्यासाठी डॉक्टरांची गरज आहे. केंद्रात असलेली ऑपरेशन थिएटर्स सुरू करण्यासाठी भूलतज्ञांची कमतरता आहे.
त्यामुळे किरकोळ शस्त्रक्रिया करणे शक्य होत नाही, असे राणे म्हणाले. डिचोली सामुदायिक आरोग्य केंद्रातील ऑपरेशन थिएटरचे गोदाम बनले आहे, ही गंभीर बाब आहे. बाह्यरुग्ण विभागात उपचारासाठी येणाऱ्या रुग्णांची संख्या ४५०० वरून ६५०० वर गेली आहे, असे युरी आलेमाव म्हणाले.
जिल्हा इस्पितळावरील कामाचा ताण कमी करण्यासाठी सरकारने सामुदायिक तसेच प्राथमिक आरोग्य केंद्रे अधिक सक्षम करायला हवी. आवश्‍यक डॉक्टर्स, परिचारिका तसेच तांत्रिक कर्मचारी वर्गाची नियुक्ती करायला हवी. असे न केल्यास रुग्ण जिल्हा व गोमेकॉ इस्पितळांकडे वळतील व या इस्पितळांवर मोठा ताण येईल, असे आमदार दिगंबर कामत म्हणाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.