Goa Flood: पुरग्रस्तांना आरोग्यमंत्री राणेंचा मदीतीचा हात

गुळेली: आरोग्यमंत्री विश्वजीत राणे (Health Minister of Goa) यांनी आज गुळेली ग्रामपंचायत क्षेत्रातील कणकिरे या गावाला भेट देऊन पूरा मुळे ज्यांचे नुकसान झाले त्यांना धीर दिला. या पूरामुळे कणकिरे गावातील सुरेश गावडे,रत्ने गावडे,निता गावडे,शोभना गावडे,चित्रा वांतेकर, सुशानी वांतेकर यांची घरे कोसळली आहे. कोसळलेल्या घरांची पुनर्बांधणी आपण स्वखर्चाने करणार असल्याची ग्वाही विश्वजित राणे यांनी या कुटुंबांना दिली आहे.त्याच बरोबर पंधरा दिवसांचे राशन पोचते करणार असल्याचे सांगितले.तसेच ज्यांच्या घरांचे नुकसान झाले आहे त्यांनाही मदत करणार असल्याचे सांगितले. (Health Minister Vishwajeet Rane has promised help to the Goa flood victims.)

उपसरपंच नितेश गावडे यांनी या पूराची विस्तृत माहिती आरोग्य मंत्र्याना दिली.त्यांनीही आरोग्य मंत्र्याचे आभार मानले आहेत. या भेटीत कणकिरेतील महिलांनी आपली व्यथा मंत्र्यासमोर मांडली त्याला अनुसरुन सर्व ते सहकार्य आपण करणार असल्याचे राणे यांनी सांगितले.

यावेळी विनोद शिंदे, सुनिल मराठे,गुळेली सरपंच अपूर्वा च्यारी ,उपसरपंच व स्थानिक पंच नितेश गावडे,गुळेली पंच अनिल गावडे उपस्थित होते. आरोग्यमंत्री विश्वजित राणे यांनी स्वतः भेट देऊन एकूण पाहणी करून आमचे दुःख जाणून मदत करण्याची ग्वाही दिल्याबद्दल कणकिरे पूर पिडितांनी आभार मानले आहेत.