Siolim Car Accident: उत्तर गोव्यातील मारणा-शिवोली येथे गुरूवारी रात्री वॅगनआर कार (GA 06 D1751) आणि अॅक्टिव्हा स्कूटर (GA03 AD 7564) या दोन वाहनांमध्ये भीषण अपघात झाला. म्हापसा रस्त्यावर या दोन वाहनांमध्ये समोरासमोर धडक झाली.
मोपेडचालक शिवोलीच्या दिशेने जात होता. तर वॅगन आर कारचालक म्हापसाच्या दिशेने येत होता.
कारच्या धडकेने अॅक्टिव्हा रस्त्याकडेला जाऊन पडली होती. तर कार इलेक्ट्रिक ट्रान्सफॉर्मर आणि 11KV क्षमतेच्या विद्युत खांबावर आदळली. यात दुचाकीचे मोठे नुकसान झाले आहे. दुर्दैवाने, कार आणि स्कूटरच्या दोन्ही चालकांना गंभीर दुखापत झाली असून त्यांना तात्काळ वैद्यकीय उपचारासाठी म्हापसा येथील जिल्हा रुग्णालयात दाखल करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
