हरमल, वरचावाडा येथील कृष्णा पार्सेकर यांच्या गुरांच्या गोठ्यावर आंब्याच्या झाडाची फांदी पडून अंदाजे दीड लाखाचे नुकसान झाले. सुदैवाने गोठ्यातील गुरांना इजा झाली नाही.
गोठ्याची मोडतोड झाल्याने गुरांना उघड्यावर बांधणे पार्सेकर यांना भाग पडले आहे. सरकारने तातडीने नुकसान भरपाई द्यावी, अशी मागणी होत हे.
दरम्यान, फांदी तुटून पडलेले आंब्याचे झाड धोकादायक असून ते हटवावे अशी मागणी पार्सेकर कुटुंबीयांनी केली आहे. अन्यथा पावसाळ्यात मोठा अनर्थ घडण्याची शक्यता वर्तवली आहे.
पार्सेकर यांच्या घरासमोर गोठा असून जवळच आंब्याचे झाड आहे. हे झाड हटविण्याचा आदेश वन खात्याने दिला होता, परंतु त्या आदेशास स्थगिती मिळवली आहे.
सरपंचांकडून पाहणी :
दरम्यान, स्थानिक पंच तथा सरपंच रजनी इब्रामपुरकर फांदी पडून मोडतोड झालेल्या गोठ्याची पाहणी केली. तलाठ्यांमार्फत नुकसानीचा पंचनामा केला जाईल. संबंधित खात्याने पार्सेकर यांना तातडीने नुकसान भरपाई द्यावी,यासाठी प्रयत्न करण्यात येतील, असे सांगितले.
वन खात्याबाबत नाराजी
स्वयंरोजगार करण्यासाठी युवकांनी पुढाकार घ्यावा असे आवाहन सरकार वारंवार करते, परंतु गायी, म्हशी घेऊन स्वयंरोजगार केला, तर त्याला हे सरकार संरक्षण देत नाही. गोठा धोक्यात तरी वन खात्याने स्थगिती दिली, याचे आश्चर्य वाटते, असे पार्सेकर यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
