वाळपई: सत्तरी तालुक्यातील मोर्ले कॉलनी हा अंजुणे धरणाच्या स्थलांतराचा भाग. मोर्ले कॉलनी येथे सध्या तीन गाव आहेत. गुळ्ळे, अंजुणे व पणसुली. रविवार, १६ रोजी या गावात घोडेमोडणी साजरी करण्यात येणार आहे. या तिन्ही गावाचे घोडे मिळून श्री सातेरी केळबाय मंदिर गुळ्ळे येथे नाचतात. गुळ्ळेचे पाच, अंजुणेचे दोन तर पणसुलीचा एक घोडा असे मिळून एकूण आठ घोडे एकत्र येतात व श्री सातेरी केळबाई मंदिर गुळ्ळे येथील घोडेमळावर खेळले जातात.
दरम्यान, ही घोडेमोडणी नाचण्याची पद्धतही गोमंतकातील इतर घोडेमोडणीपेक्षा खूपच वेगळी व कठीण आहे. आज रात्री नऊ-दहा वा.दरम्यान या घोडेमोडणीला सुरुवात होणार आहे. ते रात्री उशीरा
दोन-तीन वाजेपर्यंत नाचणार आहेत. नंतर चव्हाटा मंदिरात जाऊन देवकार्य केल्यानंतर, केळबाई मंदिराच्या आवारात सांगता केली जाईल. त्यानंतर, कौल घेऊन न्हावन व महाप्रसाद भक्तांना वाढला जाईल.
सातव्या दिवशी म्हणजेच बुधवार, १९ मार्च रोजी लोकजीवन, लोकसंस्कृती यावर प्रकाशज्योत टाकणारे गद्य विभागातील लोकनाट्य म्हणजेच ‘भरणूल’ यासारखा लोककला प्रकार साजरा केला जाणार आहे. हा लोककला प्रकार आपल्याला गोमंतकातील एकमेव गुळ्ळे गावात पाहायला मिळतो.
ठाणे-सत्तरीनंतर गोमंतकात मोठी संख्या असलेला घोडमोडणी उत्सव म्हणजे या गुळ्ळे गावातील. जती-सकारतींनी परिपूर्ण तसेच चोर, करवली, धोंड, घोडेमोडणी, फूल, भरणूल अशा विविध पारंपरिक खेळांनी समृद्ध गुळ्ळे, सत्तरी गावचा शिमगोत्सव आहे. गोमंतकात जास्तीत जास्त आठ घोड्यांची घोडेमोडणी गुळ्ळे गावाची असून घोड्यांच्या संख्येने गोमंतकात तिचा दुसरा क्रमांक लागतो. ठाणेनंतर जास्त घोडे असलेली ही घोडेमोडणी आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
