GST Council Meeting: कार डीलर्सना आनंदवार्ता!! मुख्यमंत्र्यांच्या प्रस्तावाला GST परिषदेत मंजूरी

Panjim, Goa

पणजी: काल नवी दिल्ली येथे झालेल्या वस्तू आणि सेवा कर (GST) परिषदेच्या 54 व्या बैठकीत गोव्याचे मुख्यमंत्री डॉ. प्रमोद सावंत यांनी मांडलेल्या प्रस्तावाला मंजुरी मिळाली आहे.

काल नवी दिल्ली येथे केंद्रीय वित्त आणि कॉर्पोरेट व्यवहार मंत्री श्रीमती निर्मला सीतारामन यांच्या अध्यक्षतेखाली वस्तू आणि सेवा कर परिषदेच्या 54 वी बैठक पार पडली.

गोव्याचे मुख्यमंत्री डॉ. प्रमोद सावंत यांनी कार डीलर्सना टेस्ट ड्राइव्हसाठी वापरल्या जाणाऱ्या डेमो वाहनांवर इनपुट टॅक्स क्रेडिटचा दावा करण्याची परवानगी देण्याचा प्रस्ताव मांडला होता.

मुख्यमंत्री डॉ. सावंत यांच्या सदर प्रस्तावावमुळे भारतातील अनेक कार डीलर्सना दिलासा मिळणार आहे.

कारण डेमो वाहने कार खरेदीचा अत्यावश्यक भाग असतात, यामुळे डीलर्सना ग्राहकांना उत्तम सेवा प्रदान करण्यात मदत मिळते.