गोव्यात आगामी काळात विधानसभा निवडणुकांचं बिगूल वाजल आहे. यातच राज्यातील सर्वच राजकीय पक्षांनी विधानसभा निवडणुकीची तयारी सुरु केली आहे. राज्यात पुन्हा भाजपची सत्ता आणण्यासाठी राज्यातील नेतृत्व निकराने प्रयत्न करत आहे. तर दुसरीकडे भाजपचा पराभव करण्यासाठी तृणमुलसह इतर राजकीय पक्षांनी मोट बांधली आहे. अशातच आज नेते किरण कांदोळकर, सामील वोल्वोईकर, मारिओ पिंटो, फ्रान्सिस डी टुम, सुरेंद्र वोलवाईकर यांच्या उपस्थितीत 150 तरुण सदस्य गोवा TMC मध्ये कुंबरजुआ येथे सामील झाले आहेत.
दरम्यान, गोव्यात तृणमूल काँग्रेस (TMC) ला मोठी चालना मिळत आहे, विधानसभा निवडणुकीपूर्वी (Assembly elections) एका दिवसात 150 प्रमुख नेत्यांनी इतर पक्ष सोडत, गोवा टीएमसीमध्ये प्रवेश केला आहे. दरम्यान, गोवा (goa) तृणमूल काँग्रेसने पोर्वोरिममध्ये पक्षाचे कार्यालय उघडले आहे. उद्घाटन गोवा टीएमसी नेते संदीप वझरकर यांच्यासह शंकर फडते, विल्बर टिक्लो आणि अनेक पंच सदस्यांनी केले. एका प्रेस नोटमध्ये, गोवा टीएमसीने म्हटले आहे की गोवा टीएमसीने गेल्या 3 महिन्यांत उघडलेले हे सहावे पक्ष कार्यालय आहे. इतर पाच कार्यालये पणजी, नुवेम, वास्को, पोरीएम आणि वेलीम येथे आहेत. राजकीय कार्यकर्ते आणि तळागाळातील कार्यकर्त्यांच्या बाबतीत पक्षाची झपाट्याने वाढ होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
