लोकसभा मतमोजणीच्या दिवशीच गोव्यातील शाळा सुरु होत असल्याने दोन दिवस उशिराने शाळा सुरु कराव्यात अशी मागणी गोवा फॉरवर्डच्या दुर्गादास कामत यांनी केली. पण, शाळा याच दिवशी सुरु होतील असे मुख्यमंत्री म्हणाल्याने विषयावर पडदा पडला असे वाटले.
दरम्यान, सभापती तवडकर यांनी देखील याबाबत सकारात्मकता दाखवल्याने दुर्गादास कामत यांनी पुन्हा मुख्यंत्र्यांना याप्रकरणी विचार करण्याची विनंती केलीय.
लोकसभा निवडणुकीचा निकाल येत्या चार जून रोजी जाहीर होणार असून, याच दिवशी गोव्यात शाळा देखील सुरु होणार आहेत. दरम्यान, यादिवशी शिक्षक मतमोजणीत गुंतलेले असतील त्यामुळे शाळेचे कामकाज सुरळीत होणार नाही. असा दावा करत शाळा दोन दिवस उशिराने सुरु कराव्यात अशी मागणी गोवा फॉरवर्डच्या दुर्गादास कामत यांनी 27 मे रोजी केली.
मुख्यमंत्री डॉ. प्रमोद सावंत यांना याबाबत विचारणा केली असता, त्यांनी शाळा सुरु करण्याच्या तारखेत कोणताही बदल केला जाणार नाही, असे स्पष्ट केले. यामुळे हा विषय त्याच दिवशी संपला असे वाटत होते.
दरम्यान, सभापती तवडकर यांनी देखील शाळा दोन दिवस उशिराने सुरु करण्याबाबत सकारात्मक प्रतिक्रिया दिली आहे. कामत यांनी सभापतींच्या मताचा संदर्भ देत या मागणीचा पुन्हा विचार करण्याची विनंती मुख्यमंत्री डॉ. सावंत यांना केली आहे.
दुर्गादास कामत यांनी तवडकरांच्या वक्तव्याचा संदर्भ देत मुख्यमंत्र्यांनी पुन्हा विचार करावा अशी मागणी केलीय. तसेच, सरकारने इगो बाजुला ठेवावा, असेही कामत यांनी एक्सच्या पोस्टमध्ये म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.