गोवेकर गोड, भोळे आहेत पण वेडे नाहीत; चित्रा वाघ

सासष्टी : गोवेकर गोड, भोळे आहेत, पण वेडे नाहीत. त्यामुळे ते विरोधी पक्षांच्या भूल थापांना बळी पडणार नाहीत. तसेच मडगावकर सुद्धा कॉंग्रेस उमेदवाराच्या जाळ्यात आणखीन एकदा फसणार नाहीत, तर बाबू आजगावकरांना निवडून देऊन मडगावच्या सर्वांगीण विकासाची वाट मोकळी करुन देतील असे महाराष्ट्राच्या भाजप नेत्या व राष्ट्रीय कार्यकारिणी सदस्य चित्रा वाघ यानी भाजपच्या (BJP) कोंब परिसरात आयोजित केलेल्या सभेत बोलत होत्या.

राहुल गांधी (Rahul Gandhi) येथे येऊन प्रत्येक घराला सहा हजार रुपये देण्याची, पेट्रेल डिझलच्या किंमती 80 पेक्षा जास्त होणार नाहीत असे सांगतात. मग कॉंग्रेसचे (Congress) सरकार महाराष्ट्रामध्ये आहे. तेथे त्या सरकारची लोकांना सहा रुपये सुद्धा देण्याची कुवत नाही व पेट्रोल, डिझेलच्या किंमती गोव्यातील किंमती पेक्षा जास्तच आहेत असेही त्यानी सांगितले.

मूठ बंद करुन आत चॉकलेट आहे असे सांगुन लहान मुलांना एकदा फसवता येते . मडगावात तर आमदार गेली 27 वर्षे आपली मूठ उघडत सुद्धा नाही म्हणूनच येथील विकास खुंटला आहे. आता तरी मडगावकरांनी फसू नये व त्याच्या मुठीत काहीच नाही याचे भान ठेवावे व मतदान करावे असे आवाहन त्यानी केले.

मनोहर उर्फ बाबू आजगावकर यानी सांगितले की कोंब हे मडगावचे हृदय आहे. मात्र येथे कुठलाही विकास झालेला नाही. तेव्हा लोकांनी आता तरी शहाणे होऊन आपल्याला मते द्यावी वआपल्यावर विश्र्वास ठेवावा. आपण मतदारांनी दाखवलेल्या विश्र्वासाचा कधीच विश्र्वासघात होऊ देणार नाही असे सांगितले.

कोंब परिसरातील रस्त्याचे हॉटमिक्सिंग करण, मलनिस्सारण पाईपलाईनची दुरुस्तीला आमदाराने सदैव विरोध केला असे सांगून त्यामागची पार्श्र्वभुमी शर्मद रायतुरकर यांनी सांगितली. या प्रसंगी चंदन नायक, रंजिता पै यांची भाषणे झाली. सपभेला मडगाव (Margao) मंडळाचे अध्यक्ष रुपेश हात्मे, सचिव केतन कुरतरकर व पदाधिकारी उपस्थित होते.