पणजी: राज्यातील कामगारांच्या रोजंदारीचा दर हा 6 वर्षांपूर्वीचा आहे. यासाठी राज्याच्या कामगार मंत्रालयाने रोजंदारीचा दर वाढविण्याचा निर्णय घेतला असून इतर राज्यांतील रोजंदारी दरांची माहिती घेतली आहे. केरळ आणि दिल्लीच्या धर्तीवर राज्यातील कामगारांची रोजंदारी वाढवण्यात येणार आहे, अशी माहिती कामगार नेते बाबूश मोन्सेरात यांनी आज दिली. कामगार दिनाच्या पार्श्वभूमीवर कामगारांसाठी ही खुशखबर मानावी लागेल. कामगार संघटनांनीही सरकारच्या या निर्णयाचे स्वागत केले आहे.
यावेळी मंत्री मोन्सेरात म्हणाले, आज कामगार मंत्रालयातील अधिकाऱ्यांसोबत बैठक झाली. कामगार बोर्ड तयार करण्याचा महत्त्वपूर्ण निर्णय या बैठकीत झाला. राज्य सरकार हे कामगारांच्या बाजूने असून त्यांच्या कल्याणासाठी असलेल्या 17 योजना त्यांच्यापर्यंत पोहोचाव्यात यासाठी सरकारचे प्रयत्न असून राज्यातील विविध कंपन्यांकडे किती कामगार काम करतात, याची माहिती मागवली आहे. ज्या कंपन्या रोजगाराच्या संधी उपलब्ध करतात, त्याची माहितीही कंपन्यांनी कामगार आयुक्तांना द्यावी. त्यामुळे राज्यातील तरुणांना रोजगारांची संधी कुठे आहे याची माहिती मिळेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
