Gomantak Medical Camp: गोमन्तक, आरजीच्या आरोग्य शिबिराला उत्स्फूर्त प्रतिसाद

Gomantak Medical Camp: ‘गोमन्‍तक स्‍वास्‍थ्‍यम’ आणि आरजी’ हॉस्‍पिटल यांच्या संयुक्त विद्यमाने आयोजित आरोग्य शिबिराला उत्तम प्रतिसाद लाभला.

शिबिरात अनेक अंकविक्रेते, एजंट व त्यांचा परिवार तसेच वाचक व हितचिंतकांनी शिबिराचा लाभ घेतला. या शिबिराचे उद्‍घाटन वैद्यांच्या हस्ते करण्यात आले.

यावेळी संपादक-संचालक राजू नायक, मुख्य व्यवस्थापक (व्यवसाय प्रशासन) सचिन पोवार, वरिष्ठ वितरण व्यवस्थापक अरूण पाटील, साहाय्यक व्यवस्थापक वितरण भारत पोवार, आरजी हॉस्पिटलच्या डॉ. रिना तामोस्कर, डॉ. अमित पाटील, डॉ. संगीथ सुधन, आरजीचे समन्वयक विकास सिंग व इतर हॉस्पिटलचे कर्मचारी उपस्थित होते.

शिबिरात रक्तदाब, मधुमेह, इसीजी, डोळे तपासणी, दंत चिकित्सा व इतर आरोग्यविषयक समस्यांबाबत डॉक्टरांनी तपासणी करून सल्ला दिला. या शिबिरास गोमन्तकचे अंकविक्रेते वामन भाटे, अवधूत बिडये, सरिता बिडये, रमेश डिचोलकर, सत्यवती डिचोलकर, के. एस. वेर्णेकर, अविनाश फडते आदी ‘गोमन्तक’चे वाचक, हितचिंतक उपस्थित होते.

जनसेवेचे व्रत घेतलेल्‍या दै. ‘गोमन्‍तक’तर्फे विविध सामाजिक, सांस्‍कृतिक, आरोग्‍यविषयक उपक्रमाचे आयोजित केले जातात. या उपक्रमांना उदंड प्रतिसादही मिळत असतो. ‘गोमन्‍तक’ नेहमीच महिलांसाठीही विविध उपक्रम राबविले जातात.