Thief Arrested : दागिने चोरीप्रकरणी फोंडा पोलिसांकडून दोघांना अटक

गोव्यात दिवसेंदिवस चोरीचे आणि वाढत्या गुन्हेगारीचे प्रमाण चिंताजनक बनले आहे. दिवसाढवळ्या चोरी होण्याचे प्रकार वाढले आहेत. गोव्यात सुवर्णलंकार चोरीप्रकरणी फोंडा पोलिसांनी दोघांना अटक केली आहे.

यल्लालिंग भोमान्ना टोगरी व चंद्रू वीरप्पा उनकी (रा. फोंडा, मूळ कर्नाटक) या दोघांना फोंडा पोलिसांनी आपल्या ताब्यात घेतले आहे. त्यांच्याकडून 1 लाखाचे दागिनेही जप्त करण्यात आले आहेत.

दरम्यान, इलेक्ट्रॉनिक दुकानात कामगाराने 12 लाख रूपयांची अफरातफर केल्याचा प्रकार उघकीस आली आहे. नायकावाडा कळंगुट येथे 2019 ते 12 जुलै 2022 या कालवधीत ही घटना घडली. पोलिसांनी दुकानाचा कामगार संगा राम (रा. राजस्थान) याच्या विरुद्ध भारतीय दंड विधान कलम 408 प्रमाणे गुन्हा दाखल केला आहे. या प्रकरणी श्री गणेश इंटरप्राईझेस या दुकानाचे मालक चुना राम यांनी पोलिसांत तक्रार दिली आहे.