Churchill Alemao: गोव्याचे माजी मुख्यमंत्री चर्चिल आलेमाव यांनी ममता बॅनर्जी यांच्या तृणमूल काँग्रेसला रामराम ठोकला आहे. आलेमाव यांनी पक्षाच्या सदस्यत्वाचा राजीनामा दिला आहे. आलेमाव यांनी नुकतेच राष्ट्रवादी अजित पवार गटाचे नेते आणि राज्यसभा खासदार प्रफुल्ल पटेल यांची भेट घेतली.
त्यामुळे चर्चिल आलेमाव आगामी काळात राष्ट्रवादी काँग्रेसमध्ये सामील होणार का? या आशयाच्या चर्चांना उधाण आले आहे.
तृणमूल काँग्रेसचा राजीनामा दिल्यानंतर आलेमाव यांनी राष्ट्रवादी प्रवेशाबाबत प्रश्न विचारण्यात आला. आलेमाव यांनी राष्ट्रवादीत प्रवेशाच्या चर्चा निराधार असल्याचे सांगितले. तसेच, प्रफुल्ल पटेल माझे चांगले मित्र असून, यापूर्वी देखील भेटत होतो. प्रत्येक भेट राजकीय नसते. राष्ट्रवादी प्रवेशाबाबत मी अद्याप विचार केला नाही. असे आलेमाव यांनी स्पष्ट केले.
प्रफुल्ल पटेल आणि मी अनेक फुलबॉल मॅच भरवण्यासाठी एकत्र काम केले आहे. माझे आणि त्यांचे वैयक्तिक संबध आहेत. असेही आलेमाव यांनी सांगितले.
आलेमाव यांनी आगामी लोकसभा निवडणुकीबाबत त्यांच्या उमेदवारीबद्दल देखील प्रश्न विचारण्यात आला. त्यावर त्यांनी अद्याप असा विचार नाही मात्र, मतदार मला सहकार्य करतील असा विश्वास त्यांनी व्यक्त केला. आलेमाव यांनी गोवा फुटबॉल असोशिएशनचे अध्यक्षपदही भूषविले आहे.
यापूर्वी राष्ट्रवादीचे नते क्लाईड क्रास्टो यांनी आलेमाव यांच्या पक्षप्रवेशाच्या बातम्या फेटाळल्या आहेत. त्याच्या प्रवेशाबाबत कोणतीही चर्चा झाली नसल्याचेही त्यांनी स्पष्ट केले.
दरम्यान, गोव्यातील राष्ट्रवादीच्या नेत्यांनी ते शरद पवारांसोबत असल्याचे यापूर्वी स्पष्ट केले आहे. त्यामुळे आलेमाव यांनी राष्ट्रवादीसोबत जाण्याचा निर्णय घेतल्यास ते शरद पवार की अजित पवार यांच्यासोबत जाणार याकडे सर्वांचे लक्ष लागून राहिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
