गोमंतकीयांचे जीव धोक्यात! एमव्हीआर इन्फ्राला सरकारचे संरक्षण, कंत्राटदार भाजपचा जावई; काँग्रेस

एमव्हीआर इन्फ्राने झुआरी IAV प्रा. लि. च्या इंधन वाहिनीला हानी पोहोचवली, ज्यामुळे हजारो गोमंतकीयांच्या जिवाला धोका निर्माण झालाय; अमित पाटकर
गोमंतकीयांचे जीव धोक्यात! एमव्हीआर इन्फ्राला सरकारचे संरक्षण, कंत्राटदार भाजपचा जावई; काँग्रेस
Amit PatkarDainik Gomantak
Published on
Updated on

एमव्हीआर इन्फ्रा प्रा. लि. या कंत्राटदाराची ख्याती निकृष्ट दर्जाच्या रस्त्यांसाठी, भ्रष्टाचारासाठी आणि अनेक लोकांचे प्राण संकटात घालण्यासाठी झाली आहे. तरीही, भाजप सरकारच्या संरक्षणाखाली एमव्हीआर इन्फ्रा बिनधास्तपणे काम करत आहे, असे म्हणत गोवा प्रदेश काँग्रेस कमिटीने एमव्हीआर कंत्राटदाराच्या बेफिकिरीचा आणि जीवघेण्या निष्काळजीपणाचा निषेध केला.

एमव्हीआर इन्फ्राने झुआरी IAV प्रा. लि. च्या इंधन वाहिनीला हानी पोहोचवली, ज्यामुळे हजारो गोमंतकीयांच्या जिवाला धोका निर्माण झाला. एका मोठ्या स्फोटाची शक्यता होती, मात्र सरकार आणि प्रशासनाने कोणतीही कारवाई केली नाही.

एमव्हीआर इन्फ्राला अनेक वेळा तंबी दिली होती, तरीही त्यांनी निष्काळजीपणा सुरूच ठेवला. अशा परिस्थितीतही कोणतीही कारवाई का करण्यात आली नाही? याचे कारण एमव्हीआर इन्फ्राला मुख्यमंत्री प्रमोद सावंत आणि भाजप सरकारचे संरक्षण असून, हा कंत्राटदार भाजपचा जावई आहे! अशी टीका काँग्रेसने केली आहे.

गोमंतकीयांचे जीव धोक्यात! एमव्हीआर इन्फ्राला सरकारचे संरक्षण, कंत्राटदार भाजपचा जावई; काँग्रेस
गोव्यातील ब्रेन डेड व्यक्तीच्या Liver मुळे इंदूरच्या वृद्धाला मिळाले नवजीवन; दोघांना किडनी दान

केंद्रीय रस्ते वाहतूक व महामार्ग मंत्री नितीन गडकरी या जीवघेण्या कंत्राटदाराला अजून किती काळ वाचवणार? किती जणांचे प्राण गेले की सरकारला जाग येणार? असा सवाल काँग्रेसने उपस्थित केला आहे.

काँग्रेसच्या प्रमुख मागण्या:

- एमव्हीआर इन्फ्राला कायमस्वरूपी ब्लॅकलिस्ट करावे आणि त्यांचे सर्व कंत्राटे रद्द करावेत.

- हजारो लोकांचे प्राण धोक्यात घालणाऱ्या एमव्हीआर इन्फ्रावर फौजदारी गुन्हा दाखल करावा.

गोमंतकीयांचे जीव धोक्यात! एमव्हीआर इन्फ्राला सरकारचे संरक्षण, कंत्राटदार भाजपचा जावई; काँग्रेस
Goa Crime: मनोरुग्ण मुलीवर सामूहिक लैंगिक अत्याचार, संशयितांना तीन दिवसांची पोलिस कोठडी

- त्यांच्या वारंवार केलेल्या निष्काळजीपणाची सखोल चौकशी करावी.

- भाजप नेते आणि सरकारी अधिकाऱ्यांनी एमव्हीआरला दिलेले संरक्षण तात्काळ बंद करावे आणि जबाबदारी निश्चित करावी.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com