कणकवलीत भाड्याच्या खोलीत राहणाऱ्या गोव्यातील एकाला गावठी कट्टा, तलवारी, चोरीचे दागिने जवळ बाळगल्याप्रकरणी अटक करण्यात आली आहे. मुंबई गोवा हायवे रोडवर, वागदे डंगळवाडी येथे बुधवारी (दि.12) सायंकाळी कणकवली पोलिसांनी (Kankavli Police) ही कारवाई केली.
पोलिसांनी त्याच्याकडून 30 लाख 48 हजार 784 रूपयांचा मुद्देमाल जप्त केला आहे.
प्रकाश विनायक पाटील (वय 38, रा. घाट वाडा, पडोसे,सत्तरी) असे अटक इसमाचे नाव आहे.
याप्रकरणी सिंधुदुर्ग स्थानिक गुन्हे अन्वेषण शाखेच्या कृष्णा आत्माराम केसरकर (वय - 43) यांनी फिर्याद दिली आहे.
कणकवली पोलिसांनी दिलेल्या माहितीनुसार, आरोपी प्रकाश पाटील याने कार मध्ये तसेच, भाड्याने राहत असलेल्या खोलीत बिगर परवाना गावठी कट्टा, जिवंत राऊंड ,काडतुसी बंदूक व जिवंत काडतुसांसह धारदार व घातक तलवारी तसेच चोरीचे दागिने बाळगले होते.
पोलिसांनी पाटील याला अटक केली असून, त्याच्याकडून 30 लाख 48 हजार 784 रूपयांचा मुद्देमाल जप्त केला आहे.
पोलिसांनी जप्त केलेला मुद्देमाल
चाकू, कटावणी, मोबाईल, तलवारी, कोयता, हातोडा, इलेक्ट्रिक सोने व चांदी वितळविण्यासाठी वापरण्यात येणारी भट्टी, ड्रिल मशीन, एकूण 160 वेगवेगळ्या देशांची परदेशी नानी, एक सिंगल बॅरल काडतुशी बंदूक, एकूण 27 जिवंत काडतुसे, पल्सर मोटरसायकल, सोन्याचे आणि चांदिचे दागिने असा एकूण 30 लाख 48 हजार 784 रूपयांचा मुद्देमाल जप्त केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.