Goa: गोवा माईल्स आणि स्थानिक टॅक्सी चालकांमध्ये तुंबळ हाणामारी, आमदाराच्या घरासमोरच राडा

गोवा माईल्स आणि स्थानिक टॅक्सी चालकांमधील वाद शिगेला गेला असून, पेडण्याचे आमदार प्रवीण आर्लेकर यांच्या घरासमोरच राडा झाला. भाडे आकारणीवरुन दोन्ही गटांमध्ये शाब्दीक चकमक झाली व त्याचे रुपांतर हाणामारीत झाले.

समोर आलेल्या माहितीनुसार, पेडण्यातील गोवा माईल्स काही टॅक्सी चालक आमदार प्रवीण आर्लेकरांसोबत चर्चा करण्यासाठी गेले होते. त्याचवेळी स्थानिक टॅक्सी चालक देखील आर्लेकरांच्या निवासस्थानी दाखल झाले.

यानंतर दोन्ही गटांमध्ये शाब्दीक चकमक झाली. शाब्दीक वादाचा नंतर हाणामरीत रुपांतर झाले. यात काहीजण किरकोळ जखमी झाल्याची माहिती आहे.

आमदार आर्लेकरांनी मध्यस्थी केल्यानंतर दोन्ही गटातील आक्रमक झालेले चालक शांत झाले व भाडे आकारणीच्या वादावर तोडगा काढण्याचे आश्वासन आर्लेकरांनी दिले.

समान भाडे आकारणी व्हावी

स्थानिक टॅक्सीच्या तुलनेत गोवा माईल्सचे भाडे कमी आहे, गोवा माईल्स मोबाईल अॅपबेस सुविधा आहे. दोघांनीही समानभाडे आकारणी करावी. मी नेहमीच स्थानिक टॅक्सी चालकांसोबत असल्याचे आर्लेकर यावेळी म्हणाले.

का होतोय दोन्ही गटात वाद?

कदंब महामंडळाचे काही कर्मचारी गोवा माईल्स सहकार्य करत असल्याचा आरोप स्थानिक टॅक्सी चालकांनी केला. हा वाद दिवसेंदिवस वाढत असल्याने यावर तोडगा काढण्यासाठी दोन्ही गटातील चालक आर्लेकरांच्या निवासस्थानी गेले होते. अशी माहिती समोर आली आहे.