Panaji : पणजी कदंबा बसस्थानक परिसरात दिव्यांगांना व ज्येष्ठांना ये-जा करण्यासाठी असणाऱ्या मार्गावर अतिक्रमण करण्यात आले आहे. त्याशिवाय व्यवसाय परवाना मुदत संपूनही येथील चहा स्टॉलधारकाने व्यवसाय सुरू केलेला आहे. या विरोधात गोवा कॅन या बिगर सरकारी संस्थेने बसस्थानक परिसरात सोमवारी निदर्शने केली.
एका नामांकित कंपनीच्या चहाची फ्रँचाईझी घेतलेल्या गोव्यातील व्यावसायिकाने कदंबा बसस्थानक परिसरात दिव्यांगांना व ज्येष्ठ लोकांना ये-जा करण्यासाठी असणाऱ्या मार्गावर अतिक्रमण केले आहे. याठिकाणी शेडची भारणी सुरू आहे. हे सर्व काम बेकायदेशीरपणे सुरू असल्याचा आरोप गोवा कॅनचे मार्टिन यांनी केला आहे. त्याशिवाय 31 मार्च 2022 रोजी चहा व्यावसायिकाच्या व्यवसाय परवान्याची मुदत संपलेली आहे. तरीही हा व्यवसाय बेकायदेशीरपणे सुरू आहे. दोन वर्षांपूर्वी आम्ही जिल्हाधिकाऱ्यांकडे रस्ता अडविल्याप्रकरणी तक्रारी दिली होती.
65 लाखांची निविदा
बसस्थानकावरील खराब झालेले पत्रे बदलण्यासाठी वाहतूक खात्याने 65 लाख रुपयांची निविदा काढली, पण येथे झेब्रा क्रॉसिंग काढण्यात आलेले नाही. या बसथांब्यावर झेब्रा क्रॉसिंग नसल्याने बसेस भरधाव ये-जा करतात. मागील दहा वर्षांत दोघांचा याठिकाणी अपघाती जीव गेला आहे. तरीही झेब्रा क्रॉसिंग याठिकाणी तयार केले जात नाही. गोवा कॅनच्या सदस्यांनी या बेकायदेशीर कामाविषयी आणि व्यवसायाविषयी घोषणाही दिल्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.