Goa weather update: गोव्यात उन्हाचा तडाखा; उकाड्यानं नागरिक त्रस्त, पारा ** अंशांवर

पणजी: राज्यात मागील आठवड्यापासून मोठ्या प्रमाणात उष्मा जाणवत असून दिवसेंदिवस तापमानात वाढ होत आहे. आता तर कोठे मार्च महिना सुरू झाला आहे, परंतु उन्हाळ्याच्या सुरवातीलाच उकाड्याने गोमंतकीय हैराण झाले आहेत.

दुपारच्‍या वेळी तर घराबाहेर पडणेही कठीण बनले आहे. पूर्व आणि ईशान्येकडून वाहणाऱ्या वाऱ्याचा जोर मंदावल्याने उष्म्यात मोठ्या प्रमाणात वाढ झाल्याचे गोवा वेधशाळेने म्हटले आहे.

त्यामुळे राज्यात आर्द्रतेचे प्रमाणही वाढले आहे. पुढील दोन दिवस राज्यात उष्म्याचा यलो अलर्ट आहे. त्यामुळे नागरिकांनी उष्म्यापासून काळजी घ्यावी, असे आवाहन करण्यात आले आहे.

गुरुवारी राज्यात कमाल तब्बल ३५.२ तर किमान २२.५ अंश सेल्सिअस तापमानाची नोंद झाली. किमान तापमानात सामान्य तापमानाच्या तुलनेत तब्बल ५ अंशांनी वाढ झाली आहे.

राज्यात आर्द्रता ही वाढलेली आहे. पुढील दोन दिवस राज्यात उष्म्याच्या यलो अलर्ट जारी केला आहे.