Goa Monsoon: सरासरीच्या तुलनेत 55 टक्के अधिक पाऊस; वादळी वाऱ्यामुळे पडझडीचे सत्र सुरूच

पणजी, राज्यात दोन-तीन दिवसांपासून पाऊस मंदावला असला तरी बंगालच्या उपसागरात कमी दाबाचा पट्टा निर्माण झाल्याने वाऱ्याचा वेग वाढला आहे. त्यामुळे झाडे, वीज खांब कोसळणे, पत्रे उडून जाणे, घरांची पडझड असे प्रकार वाढले आहेत. रस्त्यांवर वीज खांब तसेच झाडे कोसळून मोठ्या प्रमाणात वाहतूक विस्कळीत होत आहे.

राज्यात आतापर्यंत २८०४.३ मिमी ११० इंचांहून अधिक पावसाची नोंद झाली आहे. सरासरी पावसाच्या तुलनेत तब्बल ५५ टक्के अधिक पाऊस पडला आहे.

२ दिवसांत २०५ कॉल्स

अग्निशमन दलाच्या नियंत्रण कक्षाला गेल्या २ दिवसांत २०५ कॉल्स आले आहेत. त्यापैकी १७२ कॉल्स काल २५ जुलैला, तर ३३ कॉल्स आज (शुक्रवारी) संध्याकाळी ७ वाजेपर्यंत नोंद झाले आहेत. या पडझडीमुळे सुमारे १५.७८ लाखांचे नुकसान झाले.