सासष्टी: सरकारने गोव्यात ‘जल मेट्रो’चा प्रस्ताव पुढे केला असला तरी तो इतक्या लवकर होणार नाही. सरकारतर्फे सर्वप्रथम याचा संपूर्ण अहवाल, आराखडा तयार केला जाईल, असे सार्वजनिक बांधकाम मंत्री दिगंबर कामत यांनी सांगितले.
ते म्हणाले, कोची येथे आपण जल मेट्रो पाहण्यासाठी गेलो होतो. त्या जल मेट्रोचा व्यवस्थापकीय संचालक माझा मित्र असल्याने त्याने निमंत्रण दिले होते. तिथे जाऊन जल मेट्रोची पाहणी केली. तिथे अत्यंत व्यावसायिक पद्धतीने जल मेट्रो चालवली जाते. तिथे वातानुकूलित बोटीसुद्धा वापरल्या जात आहेत, असे त्यांनी सांगितले.
वेंडर्स समितीची आठ दिवसांत नियुक्ती केली जाणार आहे. आजच्या बैठकीत अनेकांनी व्यापारी परवाना हस्तांतरण प्रश्न आपल्यासमोर मांडले. त्यातील काही प्रश्न गुंतागुंतीचे आहेत, पण साधी प्रकरणे सोडवण्यात आली आहेत, असे कामत यांनी स्पष्ट केले.
स्वच्छतेच्या कामाला प्राधान्य
कामत यांनी नागरिकांच्या समस्या जाणून घेण्यासाठी नगरपालिका सभागृहात बैठक घेतली. या बैठकीत काहींनी नगरपालिकेतील स्वच्छतेचा प्रश्न उपस्थित केला. त्यावर नियमित स्वच्छता देखरेखीसाठी एका अभियंत्याला हे काम द्यावे तसेच घरपट्टी किंवा व्यापारी कर भरण्यासाठीच्या काऊंटरसमोर तसेच जन्म व मरण दाखले घेण्यासाठी येणाऱ्या नागरिकांसाठी ज्या खुर्च्या ठेवल्या आहेत, त्या बदलण्याच्या सूचनाही केल्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
