National Prerna Doot Award: गोव्याचा विशाल फुटाणेकर 'प्रेरणादायी राजदूत'; बिहारच्या छपरा येथे मिळाला पुरस्कार

National Prerna Doot Award

पणजी: गोव्याच्या विशाल नामदेव फुटाणेकर याला समाजातील उल्लेखनीय योगदानाबद्दल २०२४-२५ या वर्षासाठी 'राष्ट्रीय प्रेरणा दूत पुरस्कारा'नं सन्मानित करण्यात आलं आहे.

बिहारमधील छपरा येथील ऐतिहासिक भिखारी ठाकूर सभागृहात 'राष्ट्रीय प्रेरणादूत पुरस्कार' सोहळा आयोजित करण्यात आला होता. यावेळी देशभरातील ३० तरुणांना समाजातील उल्लेखनीय योगदानाबद्दल 'राष्ट्रीय प्रेरणा दूत पुरस्कारा'नं सन्मानित करण्यात आलं.

यात गोव्याच्या विशाल नामदेव फुटाणेकर याला 'राष्ट्रीय प्रेरणा दूत पुरस्कारा'नं सन्मानित करण्यात आलं. त्याला रौप्य पदक आणि पुरस्काराचं प्रमाणपत्र मिळालं.

राष्ट्रीय प्रेरणा दूत पुरस्कार कोणाला दिला जातो?

'राष्ट्रीय प्रेरणा दूत पुरस्कार' हा भारतातील सामाजिक, शैक्षणिक, सांस्कृतिक, वैज्ञानिक आणि विविध क्षेत्रांमध्ये उल्लेखनीय योगदान देणाऱ्या व्यक्तींना प्रदान केला जातो.

हा पुरस्कार देशाच्या विकासात महत्त्वपूर्ण भूमिका बजावणाऱ्या आणि इतरांसाठी प्रेरणास्रोत ठरणाऱ्या व्यक्तींना सन्मानित करण्यासाठी दिला जातो. समाजाच्या विविध क्षेत्रांमध्ये उल्लेखनीय योगदान देणाऱ्या व्यक्तींचा सन्मान करणे, हा 'राष्ट्रीय प्रेरणा दूत पुरस्काराचा उद्देश आहे.

कोणा-कोणाला मिळाला पुरस्कार?

हिमाचल प्रदेशातील दीक्षा वशिष्ठ, संचिता चक्रवर्ती, पश्चिम बंगालमधील दीपा देवनाथ, मनीष कुमार, वीणा चौधरी, श्रियान शर्मा, अंकुश बिस्वास, गुरुपाद गदाई, यशिका शर्मा, बिहारमधील हेमंत नायक, केरळमधील पार्वती, रेवती वन, उत्तराखंडमधील प्रखर सिंग पाल, त्रिपुरामधील नेपाळ चंद्र सरकार, तामिळनाडूमधील उदय कुमार जी, गुजरातमधील हर्षा शुक्ला गोव्यातून विशाल नामदेव फुटाणेकर याला पुरस्कारानं सन्मानित करण्यात आलं.

महाराष्ट्रातील शिखा सिंग लबाना, ओडिशामधील शंभू व्हीसी, कर्नाटकमधील उबास पीयू, उत्तर प्रदेशातील आलोक पटेल, अशरफ अली, बिहारमधील दिल्लू सिंग, आनंद अंकित, कर्नाटकमधील अजवैन एम ए, मध्य प्रदेशातील मान्यता द्विवेदी, मध्य प्रदेशातील रवी रंगरेझ, पश्चिम बंगालमधील तिथी गोस्वामी यांना 'राष्ट्रीय प्रेरणा दूत पुरस्कार'नं सन्मानित करण्यात आलं.