Goa Electricity Department वीज ट्रांसफार्मर मधुन अचानक हाय वोल्टेज झाल्याने येथील 40 घरातील विजेवर चालणारी उपकरणे बंद पडल्याची घटना गुरुवारी उसगांव साईनगर येथे घडली.
येथील ट्रांसफार्मर मध्ये विजेचा दाब तीव्र निर्माण झाल्याने जवळपासच्या घरातील चालू असणारे फॅन, फ्रीज, टीव्ही सारखी उपकरणे अचानक नादुरुस्त होऊन बंद पडल्याची घटना गुरुवारी संध्याकाळी 6 च्या दरम्यान घडली. या घटनेमुळे नागरिकांत घबराट पसरली आहे
सदरच्या घटनेमुळे ऐन गणेश चतुर्थीच्या काळात लोकांना आर्थिक फटका बसलेला आहे. सध्या महागाईने उच्चांक गाठला असून त्यातच हे आर्थिक नुकसान सोसावे लागल्याने लोकांमध्ये नाराजी पसरली आहे.
नुकसानग्रस्त स्थानिकांच्या म्हणण्यानुसार संध्याकाळी 6 च्या सुमारास अचानकपणे चालू असलेले फॅन अधिक स्पीडने फिरू लागले तर ट्यूब लाईट, ब्लब सारखी उपकरणे तीव्र प्रकाशमान झाली. तसेच टीव्ही देखील बंद पडले.
काही नागरिकांनी सतर्कता दाखवत घरातील इतर उपकरणांची वीज कनेक्शन बंद केली. सुदैवाने या घटनेत कोणतीही जीवित हानी झाली नसल्याची माहिती प्राप्त झाली आहे. तसेच नुकसानीचा आकडा देखील समजू शकला नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
