Calangute Mobile Theft: रेस्टॉरंटमधील कामगारांचे फोन लंपास! पोलिसांनी आवळल्या प. बंगालमधील दोघांच्या मुसक्या

Calangute Mobile Theft: राज्यात चोरींच्या घटनांमध्ये कमालीची वाढ झाली आहे. कळंगुटमध्ये मोबाईल चोरीची एक घटना समोर आली आहे. तिथल्या एका रेस्टॉरंट कामाला असलेल्या कामगारांच्या खोलीतून 79 हजारांचे एकूण 4 मोबाईल चोरीला गेले आहेत.

याप्रकरणी पोलिसांनी चोरट्यांना ताब्यात घेतले आहे.

माहितीनुसार, बार्देशमधील 'फिश अँड करी' या बार आणि रेस्टॉरंटमध्ये कामाला असलेल्या चार कामगारांच्या खोलीतून त्यांचे 79 हजारांचे 4 फोन चोरीला गेल्याचे लक्षात आले.

यानंतर त्यांनी याबाबत पोलिसात तक्रार दाखल केली. पोलिसांनी ताबडतोब चोरांचा शोध सुरू केला आणि गुन्हेगार रिझवान मुल्ला आणि मौसेरुल्ल मुल्ला (दोघेही, रा. पश्चिम बंगाल) यांना अटक केली आहे.

त्यांच्याकडून 1,50,000 लाखांचे एकूण 8 फोन जप्त करण्यात आले असल्याची माहिती पोलिसानी दिली. याबाबत अधिक तपास सुरू आहे.