पणजी: मार्च महिन्यातील पगार आम्हाला अजून मिळालेला नाही. परिस्थिती बिकट झाल्याने कुटुबींयांचा उदरनिर्वाह चालवणे कठीण होत आहे. सरकारने आमच्यावर एवढे देखील कठोर होऊ नये. आमची कुटुंबे आमच्या मिळकतीवर अवलंबून आहेत. सरकारने आम्हाला कामावर रूजू करून घ्यावे अशी मागणी मानसोपचार आणि मानवी वर्तन संस्थेचे कंत्राटी कर्मचाऱ्यांनी केली.
संस्थेचे कंत्राटी कर्मचारी 14 एप्रिलपासून सरकारने कामावर रूजू करून घ्यावे यासाठी धरणे आंदोलन करत आहेत. मात्र, अजून त्यांना न्याय मिळालेला नाही. यासाठी त्यांनी पत्रकार परिषद बोलावली होती. महादेव परब, काशिनाथ परब, श्रीकांत गोवेकर, भगवान केरकर, सिद्धेश साळगावकर यांनी मनोगत व्यक्त केले. ते म्हणाले, ‘गेली नऊ वर्षे काम करून हा असा अन्याय आमच्यावर करू नये. आम्ही मुख्यमंत्री, आरोग्यमंत्री विरोधीपक्ष नेते सर्वांना निवेदन दिलेले आहे. मात्र, आम्हाला भेटीसाठी बोलावलेले नाही.
न्यायालयाच्या निकालापूर्वीच आम्हाला कामावरून काढले. कोविड महामारीच्या दरम्यान आम्ही काम केले. ज्यावेळी आम्ही मुख्यमंत्र्यांना भेटलो होतो त्यावेळी त्यांनी तुमचे कंत्राट नुतनीकरण करतो म्हणून सांगितले होते मात्र त्यावर अजून काही निर्णयच झालेला नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
