दाबोळी: केंद्रीय रस्ते, वाहतूक आणि महामार्ग मंत्री नितीन गडकरी (Nitin Gadkari ) यांचे आज सोमवारी 1 नोव्हेंबर 2021 रोजी गोव्यात (Goa) दाबोळी विमानतळावर आगमन झाले.त्यांचे शिष्टाचार मंत्री माविन गुदिन्हो ( Mauvin Godinho) यांनी स्वागत केले. केंद्रीय मंत्री 1 आणि 2 नोव्हेंबर रोजी गोव्याच्या दोन दिवसांच्या अधिकृत दौऱ्यावर आहेत.
केंद्रीय मंत्री एनएच-66 राष्ट्रीय महामार्ग क्रमांक 566 वरील लोटली आणि वेर्णा आयडीसी मधील मिसिंग लिंकचे उद्घाटन करतील. तद्नंतर मंत्री बांबोळी येथील गोवा वैद्यकीय महाविद्यालयाला भेट देतील आणि टेलिमेडिसिन सेवांचे उद्घाटन करतील. संध्याकाळी दोनापावल येथील हॉटेल ताजमध्ये मंत्री गडकरी ‘गती शक्ती मास्टर प्लॅन’वर उद्योगपतींशी संवाद साधतील.
2 नोव्हेंबर 2021 रोजी केंद्रीय मंत्री गडकरी क्रीडा खाते आणि दिलीप वेंगसरकर क्रिकेट अकादमी यांच्यामध्ये महत्त्वाच्या सामंजस्य करारावर स्वाक्षरी करणार आहेत. त्यानंतर गडकरी मुख्यमंत्री डॉ. प्रमोद सावंत यांच्यासमवेत राष्ट्रीय महामार्ग प्रकल्पांची आणि महामार्गाच्या कामांचा आढावा घेणार आहेत. आढावा बैठकीनंतर आयोजित पत्रकार परिषदेत केंद्रीय मंत्री पत्रकारांशी संवाद साधणार आहेत. गडकरी 2 नोव्हेंबर 2021 रोजी गोव्यातून रवाना होतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
