Goa Molestation Case: विद्यार्थिनींची माफी मागण्यास पोलीस अधिकाऱ्याचा नकार; चौकशी समितीसमोर केलाय 'हा' दावा

Goa University Molestation Case मागील काही दिवसांपूर्वी गोवा युनिव्हर्सिटीमध्ये प्राध्यापकाने विद्यार्थिनीचा विनयभंग केल्याचे एक प्रकरण घडले होते. हे प्रकरण ताजे असतानाच पोलीस अधिकाऱ्याने एका विद्यार्थिनीचा विनयभंग केल्याची घटना घडली होती त्याच संदर्भात एक महत्वाची माहिती हाती येतेय.

गोवा युनिव्हर्सिटीमधील झालेल्या विनयभंग केस प्रकरणी संबंधित पोलीस अधिकाऱ्याने विद्यापीठातील चौकशी समितीसमोर माफी मागण्यास नकार दिलाय.

या प्रकरणाशी माझा कोणताही संबंध नाही, मी कोणतेही गैरवर्तन केले नसून आपण निर्दोष असल्याचा दावा त्यांनी केलाय. गोवा विद्यापीठाने या घटनेचा अहवाल पोलीस मुख्यालयाला दिल्याची माहिती देखील प्राप्त झाली आहे.

गोव्यात सध्या गुन्हेगारीच्या प्रकरणांमध्ये वाढ झाली असून दिवसागणिक महिलांवरील अत्याचाराच्या घटनादेखील वाढत आहेत. काही दिवसांपूर्वी एका राजकीय व्यक्तीच्या संबंधित सेक्स स्कॅन्डल प्रकरणाची चर्चा रंगली होती.

त्यानंतर सर्व विरोधकांनी राज्यात महिला सुरक्षित नसल्याचा आरोप करत सरकारला चांगलेच धारेवर धरले होते.