Blue Economy: 'ब्ल्यू ईकॉनॉमी’साठी गोवा विद्यापीठाचा जर्मन संस्थेशी करार! स्थानिकांना लाभ मिळवून देण्यासाठी होणार प्रयत्न

Cm Pramod Sawant: प्रगत तंत्रज्ञान पुरवणे महत्त्वाचे असून त्या अनुषंगाने हा करार अतिशय महत्त्वाचा असल्याचे संचालक ओलिवर झेलेन्स्की यांनी सांगितले.
Baltic Sea Research Team, CM Pramod Sawant
Baltic Sea Research Team, CM Pramod Sawant Dainik Gomantak
Published on
Updated on

Baltic Sea research in Goa

पणजी: गोव्याचे समुद्राशी अतूट नाते आहे. राज्यात पारंपरिक मत्स्यव्यवसाय, पर्यटनाचे नियोजन तसेच आपल्या भविष्यातील पिढींसाठी समुद्र संशाधन राखून ठेवत शाश्‍वत ‘ब्ल्यू ईकॉनॉमी’ला चालना देण्यासाठी गोवा विद्यापीठ आणि लिबनिझ इन्स्टिट्यूट फॉर बाल्टिक सी रिसर्च, वॉर्नमुएंडे, जर्मनी सोबतचा सामंजस्य करार महत्त्वाचा ठरेल,असे प्रतिपादन मुख्यमंत्री डॉ. प्रमोद सावंत यांनी केले.

गोवा विद्यापीठातील रसायनशास्त्र सभागृहात आयोजित गोवा विद्यापीठ आणि लिबनिझ इन्स्टिट्यूट फॉर बाल्टिक सी रिसर्च, वॉर्नमुएंडे, जर्मनी या संस्थेशी सामंजस्य करारावेळी बोलत होते.

यावेळी पर्यावरणमंत्री आलेक्स सिक्वेरा, गोवा विद्यापीठाचे कुलगुरू प्रा. हरिलाल मेनन, इन्स्टीट्यूटचे संचालक डॉ. ओलिवर झेलन्सी, कुलसचिव प्रा. सुंदर धुरी व इतर मान्यवर उपस्थित होते. मुख्यमंत्री पुढे म्हणाले, समुद्र संशोधन आणि तंत्रज्ञानाच्या सहाय्याने समुद्र संशोधन वाढविणे, आणि पर्यावरण सांभाळणे काळाची गरज असल्याचे त्यांनी सांगितले.

Baltic Sea Research Team, CM Pramod Sawant
Goa Skill Development: गोवा सरकारचा ‘स्किल डेव्हलपमेंट’साठी ‘ताज’ ग्रुपशी करार! राज्यात वर्षभरात होणार सेंटर

स्थानिकांना लाभ मिळवून देण्याचा प्रयत्न

भारत आणि जर्मनीचे मागील ६० वर्षांपासून ऋणानुबंध आहेत. या सामंजस्य करारातून होणारे कार्य, संशोधनाच्या माध्यमातून स्थानिकांना कसा लाभ मिळवून देता येईल याबाबत प्रयत्न केले जाणार आहेत. समुद्र विज्ञानात नव्याने संशोधन करणाऱ्या पिढीपर्यंत आता पर्यंत झालेले संशोधन तसेच प्रगत तंत्रज्ञान पुरविणेही महत्त्वाचे असून त्या अनुषंगाने हा करार अतिशय महत्त्वाचा असल्याचे संचालक ओलिवर झेलेन्स्की यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com