Querim Illegal Paragliding Fine Action
पणजी: केरी समुद्र किनाऱ्यावर अनधिकृत पॅराग्लायडिंग व्यवसाय चालवणाऱ्या व्यक्तीवर गोवा पर्यटन विभागाने एक लाखाचा दंड ठोठावला आहे. गोवा पर्यटन व्यवसाय नोंदणी कायदा, १९८२ अंतर्गत ही कारवाई करण्यात आली आहे.
केरी समुद्र किनाऱ्यावर १७ व १९ ऑगस्ट २०२४ रोजी बेकायदेशीर पॅरामोटर उड्डाणे होत असल्याचे पर्यटक पोलिसांच्या गस्ती पथकाच्या निदर्शनास आले होते. चौकशीत ही कामे श्याम नारायण पांडे (सावंतवाडा, मांद्रे, पेडणे-गोवा) यांनी परवानगीशिवाय चालवली असल्याचे उघड झाले आहे.
संबंधित ऑपरेटरकडे वैध परवाने किंवा नोंदणी नव्हती, हे उघड झाल्याचे पर्यटन विभागाने जारी केलेल्या आदेशात म्हटले आहे.
संबंधितांनी ३० दिवसांत दंड न भरल्यास, पहिल्या ३० दिवसांसाठी प्रतिदिन १०० रुपये आणि त्यानंतरच्या १५ दिवसांसाठी प्रतिदिन २०० रुपये अतिरिक्त दंड लागू होईल. दंडाची रक्कम न भरल्यास, ती महसूल विभागाकडून थकबाकीप्रमाणे वसूल केली जाईल, असेही आदेशात नमूद केले आहे. पर्यटन विभागाने स्पष्ट केले आहे की, गोव्यात बेकायदेशीर पॅरामोटर फ्लाइंग आणि इतर अनधिकृत पर्यटन व्यवसायांवर कठोर कारवाई केली जाईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
