उत्तर गोव्यातील घरफोड्यांच्या पर्दाफाश, अट्टल चोरासह फर्स्ट ईयरच्या विद्यार्थ्याला अटक; राज्यातील ठळक बातम्या

ब्रॉयलर चिकनची वाहतूक करणाऱ्या अनधिकृत पोल्ट्री व्यापाऱ्यांची तपासणी चेकपोस्टवर करण्यात यावी. तसेच या वाहनांवर लक्ष ठेवण्यासाठी पशुसंवर्धन विभागाने अधिकाऱ्याची नियुक्ती करण्याची मागणी अखिल गोवा पोल्ट्री संघटनेने केली आहे.

पणजीच्या पोलिस मुख्यालयात मुख्यमंत्र्यांनी महिला पिंक फोर्स तसेच महिला पोलिस कर्मचाऱ्यांसोबत बैठक घेतली. यावेळी राज्यात घडणाऱ्या महिलांवरील अत्याचारांना कसा आळा घालता येईल यावर चर्चा करण्यात आली. त्यासाठी शाळा, कॉलेज, पंचायतीमध्ये जागृती करण्यात येणार असल्याची माहिती मुख्यमंत्र्यांनी दिली.

उत्तर जिल्ह्यात मध्यरात्री होणाऱ्या घरफोड्यांच्या पर्दाफाश. मुख्य आरोपी अट्टल चोर मारिया सांतान बाप्तीसा (वय ४४, बाणावली) व महम्मद सुफियान (वय २०, नवेली मडगाव) यांना अटक. महम्मद सुफीयान हा वाणिज्य शाखेचा प्रथम वर्षाचा विद्यार्थी आहे.

पिसुर्ले सत्तरीतील रवळनाथ देवस्थानात परंपरेप्रमाणे भटजींकडून फुले न आल्यामुळे नवरात्रीतील देवाची पुजा झाली नसल्याची हनुमंत परब ह्यांची फोनवरून माहिती. चर्चेसाठी सत्तरी उपजिल्हाधिकाऱ्यांनी कचेरीत संध्याकाळी (३ ऑक्टोबर) बोलावली बैठक.

आश्वे येथील श्री भूमिका मंदिरात पेडणेच्या उपजिल्हाधिकाऱ्यांची बैठक. उद्या ४ ऑक्टोबर रोजी दुपारी १ वाजता होणाऱ्या बैठकीत दोन्ही गटांना उपस्थित राहण्याची सूचना.

कुणालाही बेकायदेशीर बांधकाम परवाना दिलेला नाही. राजकारणासाठी व्हेंझी व्हिएगस यांनी केळशी गाव व पंचायतीची बदनामी करु नये. फिलीप नेरी रॉड्रिग्ज यांनी भेट का घेतली तेही उघड करा. सरपंच डिक्सन आमदार व्हेझीवर भडकले.

आम्ही घरांना मोफत वीज जोडणी दिलीय. या जोडणी संदर्भात वीज खात्याचे कर्मचारी कुणी पैसे मागत असल्यास त्याचे रिकॉर्डिंग करावे व खात्याच्या वरिष्ठ अधिकाऱ्याना पाठवावे. त्यानंतर आम्ही कारवाई करू : ऊर्जामंत्री सुदिन ढवळीकर

युरी आलेमाव यांचा डीएनए हा आलेमावांचा. आणि आलेमावांचा डीएनए कांय हे सर्व गोवेकरांना ठाऊक. कॉंग्रेस हिंदुत्ववादी संघटनांवर का हल्लाबोल करताय त्याचे कारण कळत नाही. भाजपचे प्रवक्ते गिरीराज वेर्णेकरांची टीका.

उमेदवारी अर्जांचा श्रीगणेशा. हरवळे पंचायत निवडणुकीसाठी उमेदवारी अर्ज भरण्यास अखेर प्रारंभ. गुरुवारी (ता. 3) माजी सरपंच राजू मळीक यांच्यासह तिघाजणांनी भरले उमेदवारी अर्ज. निर्वाचन अधिकारी प्रवीण गावस यांची माहिती.

कोमुनिदाद कायद्यातील झोन न बदलण्याची प्रस्तावीत दुरुस्ती आणि भाडेकरू पडताळणी कायदे दुरुस्ती ही गोवेकरांच्या हिताची. याचे सर्वांकडून स्वागत अपेक्षित. भाजप प्रवक्ते ॲड. यतीश नायकांचे प्रतिपादन.

सुभाष वेलिंगकर यांनी सेंट फ्रांसिस झेव्हियर यांच्या डीएनए चाचणी संदर्भात केलेले वक्तव्य चुकीचे. राज्यातील ख्रिस्ती बांधवांच्या भावना दुखावल्या गेल्या आहेत. या संदर्भात त्वरित कारवाई करण्याचे वॉरेन आलेमाव यांची पंतप्रधान नरेंद्र मोदी यांच्याकडे पत्राद्वारे मागणी.

डिचोलीतील पोर्तुगिजकालीन पुलासह इतर पुलांची तपासणी. मुंबईस्थित स्ट्रकवेल सल्लागार कंपनीकडून मोबाईल ब्रिज इन्स्पेक्शन युनिटच्या सहाय्याने पुलांच्या स्थिरतेची केली तपासणी. अहवालानंतर पुढील निर्णय.

रात्री अचानक आश्वे येथील श्री भुमिका मंदिराला कुणीतरी लावले टाळे. पोलिसांना तक्रार केली असता मामलेदार, पोलिस घटनास्थळी हजर राहिले परंतु कारवाई करण्याऐवजी दोघांचेही एकमेकांवर बोट.

सेंट फ्रान्सिस झेवियर यांच्या अवशेषांची 'डीएनए चाचणी करा' या सुभाष वेलींगकरांच्या आक्षेपार्ह मागणी विरोधात चर्चिल आणि वालांका आलेमावांची कोलवा पोलिस स्थानकात तक्रार. लवकरात लवकर वेलिंगकरांवर कारवाईची मागणी.