शाळा सुरू होण्याबाबत कोणताही बदल होणार नाही. मुख्यमंत्र्यांनी केले स्पष्ट. 4 जूनला लोकसभा निवडणुकीची मतमोजणी असल्याने शाळा दोन दिवस उशिराने सुरू करण्याची गोवा फॉरवर्डचे सरचिटणीस दुर्गादास कामत यांनी केली होती मागणी.
श्रेया धारगळकरला उलट्या, पोटदुखीचा त्रास, तपासणीसाठी अझिलो, म्हापसा येथील रुग्णालयात दाखल. सर्व चाचण्या निगेटिव्ह तरीही श्रेयाकडून तिच्या तब्येतीबाबत चिंता व्यक्त. तब्येत चिंताजनक असल्याचा दावा श्रेयाने केला असून, योग्य तपासणी आणि उपचाराची गरज तिने व्यक्त केली आहे.
Goa Schools
शैक्षणिक वर्ष ४ जूनला सुरू होत आहे, तशी घोषणा शिक्षण संचालकानेही कालच केली आहे.
मात्र ४ जूनला लोकसभा निवडणुकीची मतमोजणी असल्याने व शिक्षक मतमोजणीत व्यस्त असल्याने पहिल्याच दिवशी विद्यार्थ्यांची गैरसोय होऊ नये, यासाठी यंदा शाळा एक किंवा दोन दिवस उशिरा म्हणजेच ५ किंवा ६ जूनला सुरू कराव्यात, अशी मागणी गोवा फॉरवर्डचे सरचिटणीस दुर्गादास कामत यांनी केली आहे.
मुख्यमंत्री डॉ. प्रमोद सावंत हे शिक्षणमंत्री सुद्धा असल्याने त्यांनी यावर सहानुभूतिपूर्वक विचार करावा, असेही कामत यांनी म्हटले आहे.
स्मार्ट सिटीचे 95 टक्के काम पूर्णत्वाच्या दिशेने. येत्या दोन दिवसांत स्मार्ट सिटीचे संचालक संजित रॉड्रिग्ज, महापौर रोहित मोन्सेरात व नगरपालिका यांच्याकडून कामांची पाहणी करण्यात येईल, अशी माहिती मुख्यमंत्री डॉ. प्रमोद सावंत यांनी दिलीय.
राज्यात भाडेकरु नोंदणी बंधनकराक असून, नोंदणी न करणाऱ्या घरमालकांना दंड ठोठावला जाणार असल्याची माहिती गोव्याचे पोलिस महासंचालक जसपाल सिंग यांनी दिली आहे. बऱ्याचवेळा राज्यातील गुन्ह्यात परराज्यातील नागरिकांचा सहभाग असतो, आणि पोलिसांपासून लपण्यासाठी ते फरार होतात, असे सिंग म्हणाले.
पंचायतींनी पावसापूर्वी धोकादायक झाडे तोडावीत. काही वाद असल्यास उपजिल्हाधिकाऱ्यांकडे अर्ज करुन प्रक्रिया पूर्ण करावी. धोकादायक झाडे पाडताना दुर्घटना होणार नाही यासाठी योग्य काळजी घेण्याचे मुख्यमंत्र्यांचे आवाहन.
पावसापुर्वीची अत्यावश्यक कामे करण्यासाठी पणजी महापालिकेला १ लाख, पालिकांना ५० हजार तर पंचायतींना २५ हजार रुपयांचा निधी सरकार देणार. मुख्यमंत्र्यांची माहिती.
नव्या इंग्रजी प्राथमिक शाळांना सरकार मान्यता देणार नाही. कोणी मराठी,कोंकणीतून मान्यता घेऊन इंग्रजी माध्यम सुरू केले असल्यास होणार कारवाई. मुख्यमंत्री डॉ.प्रमोद सावंतांनी केले स्पष्ट.
Konkani Bhasha Mandal
नव्या इंग्रजी शाळांना कोकणी भाषा मंडळाचा विरोध. प्राथमिक शिक्षण मातृभाषेतून घेण्याचा अट्टहास. मुख्यमंत्र्यांना पत्र लिहून हस्तक्षेप करण्याची मागणी.
Nanoda Drowning Case
नानोडा येथे कालव्यात बुडालेला दीप बागकर (17) याचा मृतदेह सापडला. दीप हा मित्रांसह पोहायला गेला असताना घडलेली दुर्घटना.
Mopa Airport
मोपाच्या मनोहर आंतराष्ट्रीय विमानतळावर जिवंत काडतुसांसह बँकेच्या वरिष्ठ अधिकाऱ्याला पोलिसांनी घेतले ताब्यात. अधिक तपास सुरू.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.