Goa Today's News: पडझडीच्या घटनासंह गोव्यातील ठळक घडामोडी

बेकायदेशीर वाळू उत्खनन प्रकरणी मोपा पोलिसांकडून 6 जणांना अटक करण्यात आली आहे. नदीकाठावरील तीन हजार किंमतीची वाळू आणि 2.5 लाख रुपये किमतीची होडीही जप्त करण्यात आली.

माशेलमधून धक्कादायक बातमी समोर आली आहे. पार्क केलेल्या टेम्पोत मृतदेह सापडल्याने खळबळ उडाली आहे. मृतदेह चालकाचा असल्याचा संशय आहे. म्हार्दोळ पोलिस तात्काळ घटनास्थळी पोहोचले. पुढील तपास सुरु आहे.

उसगाव, पिळये येथे सकाळी ट्रक आणि दुचाकीत झालेल्या अपघातात वैकुंठ निळकंठ नाईत या ट्रक चालकाला फोंडा पोलिसांनी ताब्यात घेतले. पोलिस पुढील तपास करतायेत.

गोव्यात हवामान खात्याने (बुधवार, 17 जुलै) ऑरेंज अलर्ट जारी केला असून मुसळधार पावसाचा इशारा देण्यात आला आहे.

उसगाव, तिस्क येथे ट्रक आणि दुचाकीत अपघात झाला, ज्यामध्ये एक जणाचा मृत्यू तर एक जण गंभीर जखमी झाला. पोलिसांना माहिती मिळतात ते तात्काळ घटनास्थळी पोहोचले. जखमी पीडितावर पिळये आरोग्य केंद्रात उपचार सुरु आहेत.

मोरजी टेंब वाडा येथील किनारी भागात असलेल्या गोवा पर्यटन विभागाच्या स्वच्छतागृहाला शॉर्ट सर्किटमुळे आग लागली.

चोपडे कुर्बान वाडा येथे बिबट्या जेरबंद. गेल्या अनेक दिवसापासून त्यांचा या परिसरात वावर होता.

ताळसाण झर फातोर्डा येथे घराचे छप्पर कोसळून १८ वर्षीय़ कार्तिक चौहान या युवकाचा मृत्यू झाला. वडील जखमी. सकाळी साडेसहा वाजता घडली घटना.

मयेतील एक वारकरी पंढरपूर येथील चंद्रभागा नदीत बुडाला. त्याला वाचविण्यात यश आले आहे.

आषाढी एकादशीनिमित्त आज अन्साभाट, विठ्ठलवाडी म्हापसा येथील श्री विठ्ठल रखुमाई मंदिरात डॉ. प्रमोद सावंत यांनी पूजा केली. मुख्यमंत्र्यांनी समस्त गोमंतकीयांना एकादशीच्या शुभेच्छा दिल्या.

कांदोळीतील आरनॉल्ड सुवारीस या व्यक्तीच्या खून प्रकरणी संशयित अरविंद राजू पवार या वर्षीय तरुणाला कर्नाटकातून अटक करण्यात आली आहे. पवारने पैशाच्या कारणावरुन आरनॉल्ड यांचा खून केल्याची माहिती सूत्रांनी दिली आहे. तो विविध कामाच्या निमित्ताने त्यांच्या घरी भेट देत होता.