छत्रपती संभाजी महाराज पुतळा वाद जैसे थे; गोव्यात दोन अपघात, एक ठार, महत्वाच्या ठळक बातम्या

18 दिवस चाललेल्या पावसाळी अधिवेशनात फातोर्डाचे आमदार विजय सरदेसाई यांनी खरी विरोधी पक्षनेत्याची भुमिका मांडली. गोव्यातील 70 टक्के प्रश्न विधानसभेत मांडल्याने जनता त्यांची आभारी आहे. अधिवेशनापुर्वी सुरू केलेला जनता दरबार चतुर्थी नंतर पुन्हा सुरू करणार असल्याची माहिती गोवा फॉरवर्ड चे सचिव मोहनदास लोलियेकर यांनी पत्रकार परिषदेत दिली.

काणकोण येथे झालेल्या अपघातात ३७ वर्षीय जॉन फर्नांडिस याचा मृत्यू झाला आहे. काणकोण येथील मनोहर पर्रीकर बायपास येथे हा अपघात झाला.

छत्रपती संभाजी महाराज पुतळा मारुती मंदिर ट्रस्टकडून इतरत्र हलविण्यासाठी प्रस्ताव संभाजी महाराज प्रेमींकडून अमान्य. मडगाव उपजिल्हाधिकारी रमेश गांवकर यांनी घेतलेल्या बैठकीत अखेर तोडगा निघालाच नाही.

मुख्यमंत्री डॉ.प्रमोद सावंतांच्या मतदारसंघात माशेल साखळी हमरस्त्याशेजारी आमोणे पुलाजवळ Hill Cutting. मुख्यमंत्र्यांचा दररोजचा रस्ता. वायनाडच्या पार्श्वभूमीवर खबरदारीच्या दृष्टीने डोंगर कापणीला थारा देणार नसल्याचे मुख्यमंत्र्यांनी केले होते सभागृहात विधान.

म्हापशात युनियन फार्मसीजवळ अज्ञात व्यक्तीचा मृतदेह आढळला आहे. मृतदेह कुजलेल्या अवस्थेत असल्याने गुढ अधिक वाढले आहे. पोलिस घटनास्थळी दाखल झाले असून, अधिक तपास केला जात आहे.

फातोर्ड्यात एका घरातून मांस चोरीचा प्रयत्न करणाऱ्या दोघांना ताब्यात घेण्यात आले आहे. तर, एकजण फरार झाला आहे. कुत्रे भुंकायला लागल्याने कामगार जागे झाले अन् त्यांनी दोघांना पकडले तर एक फरार झाला. पोलिसांनी दोघांना ताब्यात घेतले असून, अधिक तपास सुरु आहे.

ओल्ड-गोवा बायपास येथे कार अपघातात चालक जखमी झाला आहे. कार विद्युत खांबाला धडकल्याने झालेल्या अपघातात कारचे देखील नुकसान झाले आहे.

कर्तव्यात कसूर केल्याबद्दल गेल्या 5 वर्षात एकूण 561 पोलीस कर्मचाऱ्यांवर कारवाई करण्यात आली. तर, 12 प्रकरणात पोलीस कर्मचारी एफआयआर नोंदविण्यात अयशस्वी ठरले.

साखळी नगरपालिकेच्या नगराध्यक्षपदी सिध्दी प्रभू यांची बिनविरोध निवड. मुख्यमंत्री डॉ. प्रमोद सावंत यांनी केले अभिनंदन.

'नगरपालिका स्वयंपूर्ण बनविण्यासाठी प्रयत्न करा, सरकारचे विकासासाठी सर्वतोपरी सहकार्य आहे,' असे मुख्यमंत्री प्रमोद सावंत म्हणाले.

काळी नदीवरील पूल कोसळल्यानंतर गोव्यातील उद्योगपतीने अनमोड घाटातील रस्त्याच्या दुरावस्थेकडे लक्ष वेधले आहे. घाटातील रस्त्याची लवकरात लवकर दुरुस्ती करण्याची मागणी उद्योगपतींच्याकडून करण्यात आली आहे.