गेल्या काही दिवसांपासून गोवा राज्यात अमली पदार्थाविरोधात पोलिसांची धडक कारवाई सुरु आहे. असे असले तरी एका कारवाईमध्ये जप्त केलेले अमली पदार्थ पदार्थ पुरावा कक्षातून (Evidence Room) गायब झाल्याचा आरोप करत टीएमसीचे मीडिया समन्वयक ट्रोजन डिमेलो यांनी गोवा मुख्यमंत्र्यांवर टीकास्त्र सोडले.
(Goa TMC alleged CM making half-baked assurances on drug menace)
मिळालेल्या माहितीनुसार आज गोवा तृणमूल काँग्रेसने पत्रकार परिषद घेतली. यावेळी टीएमसीचे मीडिया समन्वयक ट्रोजन डिमेलो यांनी 2010, 2012 या सालासह नुकतेच एका प्रकरणातील अमली पदार्थ पुरावा कक्षातून गायब झाली होते. याबाबत सरकारवर टीकास्त्र सोडले.
डिमेलो म्हणाले की, प्रमोद सावंत यांच्या नेतृत्वाखालील भाजप सरकार राज्यातील अंमली पदार्थांच्या कारवाई बाबत अर्धसत्य माहिती देत आहे. एका कारवाईत जप्त केलेले अंमली पदार्थ पुरावा कक्षातून गायब होतात. यावरुनच मुख्यमंत्र्यांनी हे सिद्ध केले आहे. त्यामुळे मुख्यमंत्र्यांनी गोवावासीयांची दिशाभूल केली आहे.
मंत्री रवी नाईक आणि मंत्री रोहन खंवटे यांचा घेतला खरफूस समाचार
2010 मध्ये 24 किलो अमली पदार्थ गायब झाल्याची चौकशी करण्याचे आश्वासन देणारे कृषी मंत्री रवी नाईक आणि मंत्री रोहन खंवटे यांचाही डिमेलो यांनी खरफूस समाचार घेतला. “अमली पदार्थांच्या दुर्व्यवहारासाठी स्थलांतरित मजूर आणि परदेशी लोकांना जबाबदार धरणारे मुख्यमंत्र्यांचे नुकतेच विधान गोव्यातील लोकांची दिशाभूल करणारे आहे.
भाजप 2012 पासून गोव्यात सत्ता आहे. तेव्हापासून आम्हाला स्थानिक राजकारणी आणि पोलिसांसोबत ड्रग्ज माफियांचा संबंध आढळतो. अंमली पदार्थ विरोधी सेल चांगले काम करत असेल तर अमली पदार्थ खेड्यांपर्यंत कसे पोहोचले असा सवाल ही त्यांनी केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
