Goa Tiger reserve: ‘एनटीसीए’च्या व्याघ्र प्रकल्प निकषामध्‍ये गोवा बसत नाही!

Goa Tiger reserve राष्ट्रीय व्याघ्र संवर्धन प्राधिकरणाने (एनटीसीए) वन्यजिवांचा अधिवास ‘व्याघ्र प्रकल्प’ म्हणून घोषित करण्याच्या निकषात गोवा राज्य बसत नाही, असा दावा मुख्यमंत्री प्रमोद सावंत यांनी आज केला. राज्याने अर्ज केला तरी मंजुरी मिळणार नाही, असेही ते म्हणाले.

राज्य वन्यजीव मंडळाची बुधवारी बैठकी झाली. त्यात गोव्यात व्याघ्र प्रकल्पाची मागणी मंडळाने फेटाळून लावली आहे. त्यानुसार उच्च न्यायालयाला कळवण्यात आले आहे.

वाघ आणि इतर वन्यप्राण्यांच्या अधिवासाबाबतचे सर्व नियम आणि खबरदारी केंद्राने घालून दिलेल्या मार्गदर्शक सूचनांनुसार राज्याकडून पाळली जात आहे, असा दावाही सावंत यांनी केला.

29 सप्टेंबर 2022 रोजी ‘एनटीसीए’चे उपमहानिरीक्षक, नवी दिल्ली यांनी राज्य सरकारला एका पत्र लिहिले होते. त्‍याद्वारे ‘2020 मध्ये म्हादई वन्यजीव अभयारण्यात वाघीण आणि तीन पिलांचा मृत्यू झाल्याने हे अभयारण्य ‘व्याघ्र प्रकल्प’ म्हणून अधिसूचित करण्याच्या प्रक्रियेला गती द्यावी’, अशी विनंती करण्‍यात आली होती.