Goa Theft Case: अजब चोरीची गजब कहाणी! अपघातग्रस्त ट्रक, पोलिसांचा पंचनामा आणि पट्ठ्याचा प्रयत्न...

Goa Theft Case एका अपघातग्रस्त ट्रेलर ट्रकची चोरी केल्याची अजब घटना नुकतीच उघडकीस आली आहे. या संबंधित मिळालेली माहिती पुढील प्रमाणे, जुने गोवा पोलिसांनी अपघातात सहभागी असलेल्या एका ट्रेलर ट्रकचा पंचनामा करून तो ट्रक खोर्लीजवळच्या आयटीआय नजीक पार्क करून ठेवला होता.

या राजस्थान स्टेट पासिंगच्या ट्रेलर ट्रकची चिंबेल येथील रहिवासी शिवराम रमाकांत कदम चोरी करण्याचा प्रयन्त केल्याची प्राथमिक माहिती प्राप्त झालीय. मात्र पोलिसांच्या सतर्कपणामुळे संशयित कदम याला पकडण्यात ओल्ड गोवा पोलिसांना यश आलंय.

राज्यात दररोज अपघात, गुन्हेगारीच्या घटना वाढत असून यात कधी परप्रांतीयांचा तर कधी राज्यातील व्यक्तींचा हात असल्याचं निदर्शनाला येतंय.

शनिवारी ओल्ड गोवा पोलिसांनी अल्पवयीन मुलीचे अपहरण केल्याप्रक्ररणी कर्नाटकच्या युवकाला ताब्यात घेतल्याचे समोर आले होते.

तसेच शुक्रवारी पर्वरी येथील राष्ट्रीय महामार्गावर खासगी बस व इनोव्हा या टुरिस्ट टॅक्सीमध्ये समोरासमोर टक्कर झाल्याची घटना घडली होती.

परिणामी, या अपघातामुळे म्हापसा व पणजी या दोन्ही बाजूने वाहनांच्या रांगा लागल्या होत्या. अपघातग्रस्त वाहने बाजूला करेपर्यंत मोठ्या प्रमाणात वाहतूक कोंडी झाली होती.

पोलीस प्रशासनाला दैनंदिन घडणाऱ्या अशा घटनांमुळे अधिक सतर्क राहणे गरजेचे बनले आहे.