Logistics Trade: ‘सीआयआय लॉजिस्टिक’मध्ये होणार चर्चा

Logistics Trade: मोपा विमानतळामुळे हवाई कार्गोचा मार्ग मोकळा झाला असून मुरगाव पोर्टने आपली लॉजिस्टिक यंत्रणा सुरळीत केल्यास गोव्यात लॉजिस्टिक व्यापाराची मोठी संधी असल्याची माहिती सीआयआय पॅनेलचे समन्वयक अँथनी गॅस्केल यांनी दिली आहे.

पणजीत २९ सप्टेंबर रोजी नियोजित सीआयआय लॉजिस्टिक परिषद होत असून त्या निमित्ताने आयोजित पत्रकार परिषदेमध्ये ते बोलत होते. यावेळी राज आमोणकर, अंकुर परमल, अनिरुद्ध अग्रवाल उपस्थित होते. गॅस्केल म्हणाले, लॉजिस्टिक क्षेत्रात क्रांती घडवून आणण्यासाठी परिषदेची मदत होईल.