Swachh Bharat Mission: स्वच्छतेच्या महायज्ञात गुंतले हजारो हात; मुख्यमंत्र्यांसह मंत्री, आमदार सहभागी

Swachh Bharat Mission केंद्र सरकारने केलेल्‍या आवाहनानुसार, 1 ऑक्‍टोबरला राज्‍यभरात स्‍वच्‍छता अभियान राबविण्‍यात आले. पावसाचा जोर असला तरी अनेक घटकांनी हाती झाडू घेऊन आजूबाजूचा परिसर, समुद्र किनाऱ्यांवर जात स्‍वच्‍छतेसाठी योगदान दिले.

मुख्‍यमंत्री डॉ. प्रमोद सावंत, आरोग्‍यमंत्री विश्‍‍वजीत राणे, पर्यटनमंत्री रोहन खंवटे यांच्यासह अन्‍य मंत्र्यांनीही अभियानात सहभाग घेतला. शासकीय कार्यालये तसेच शाळा, महाविद्यालयांतून स्‍वच्‍छतेसाठी योगदान दिले. खासकरून ग्रामीण भागातून मोठा सहभाग दिसला.

मोदींचाही सहभाग

पंतप्रधान नरेंद्र मोदी यांनीरविवारी तंदुरुस्ती आणि निरामय आरोग्याबरोबरच सार्वजनिक स्वच्छताही महत्त्वाची असल्याचा संदेश दिला. त्यांनी आज देशव्यापी स्वच्छता मोहिमेत सहभाग घेतला.

या मोहिमेअंतर्गत देशभरातील हजारो नागरिकांनी एक तास श्रमदान केले. पंतप्रधान नरेंद्र मोदी यांनी त्यांच्या ‘मन की बात’ कार्यक्रमाद्वारे जनतेला आवाहन करत ‘स्वच्छता हीच सेवा’ या अभियानात सहभागी होण्याची विनंती केली होती.